ܘܗܰܘܺܝ ܕܺܗ̄ܝ ܢܰܩܠܐ ܕ݄ܡܫܰܪܰܠّܶܗ ܗ̄ܰܢ ܢܳܫ̈ܶܐ ܕܙܰܝܕܺܝ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ، ܘܗܰܘ݄ܠّܶܗ ܒܢ̈ܳܬ̥ܳܐ، ܚܙܰܠّܶܗ ܗ̄ܰܢ ܐܰܒܢ̈ܶܐ ܕܰܐܠܽܘܗܺܝܡ ܠܰܒܢ̈ܳܬ̥ܳܐ ܕܰܗ̄ܢ ܢܳܫ̈ܶܐ ܕܫܰܦܺܝܪ̈ܶܐ ܢܶܝ. ܘܡܺܝܕ݄ܢّܶܗ ܐܰܠّܶܗ ܢܶܫ̈ܶܐ ܡܶܢ̱ ܟܘ̇ܠ ܕ݄ܡܢܰܩܰܠّܶܗ. ܘܐܡ݄ܪ ܠܶܗ ܡܳܪܝܳܐ: ”ܠ݄ܐ ܓܥܳܡܪܳܐ ܪܽܘܚܺܝ ܒܢܳܫܳܐ ܠܥܳܠܰܡ، ܥܰܠ ܕܢܳܫܳܐ ܝܳܐ. ܘ݄ܓܕܳܗ̄ܘ݄ܢ ܗ̄ܰܝّܰܘܡ̈ܰܝܕ̥ܶܗ ܡܳܐܐ ܘܥ݄ܣܪܺܝ ܐ݄ܫܢ̈ܶܐ.“ ܘܓܰܒܳܪ̈ܶܐ ܗܰܘ݄ܢ ܒܺܗ̄ܝ ܐܰܪܥܳܐ ܒܰܝّܰܘܡ̈ܰܢ݄ܟ ܘܡܶܢ̱ ܒ݄ܬ̥݄ܪ ܣܬܶܝ، ܡܺܐܝܕ̥ܶܗ ܕܓܰܒ̥ܺܝܪܺܝ ܗ̄ܰܢ ܐܰܒܢ̈ܶܐ ܕܰܐܠܽܘܗܺܝܡ ܥܰܡ ܗ̄ܰܒܢ̈ܳܬ̥ܳܐ ܕܰܗ̄ܢ ܢܳܫ̈ܶܐ، ܘܡܰܘܠܰܕّܰܢّܶܗ ܓܰܒܳܪ̈ܶܐ، ܕܡܶܢ̱ ܥܳܠܰܡ ܓܰܒܳܪ̈ܶܐ ܝܺܕ̥ܺܝܥ̈ܶܐ.