Popular Bible Verses from ܣܶܦܪܳܐ ܕ݄ܒܪܺܝܬ̥ܳܐ 3

Share

ܘ݄ܚܙܶܐ ܠܰܗ ܗ̄ܺܝ ܐܰܢ̱ܬ̥ܬܳܐ ܕܫܰܦܺܝܪܳܐ ܝܳܐ ܗ̄ܽܘ ܐܺܝܠܳܢܳܐ ܠܽܗ̄ܘ ܡܽܐܘܟܠܳܐ ܘܪܶܓܬ̥ܳܐ ܝܳܐ ܠܰܥّܰܝܢ̈ܶܐ، ܘܫܰܦܺܝܪܳܐ ܝܳܐ ܗ̄ܽܘ ܐܺܝܠܳܢܳܐ ܕܡܺܝܚ݄ܪ ܐܶܒܶܗ. ܘܡ݄ܕ ܠܰܗ ܡܰܢ̱ ܦّܺܐܪ̈ܰܝܕ̥ܶܗ ܘܰܐܟ̥ܺܝܠ ܠܰܗ. ܘܗܽܒ̥ ܠܰܗ ܠܽܗ̄ܘ ܓܰܒ̥ܪܰܝܕ̥ܰܗ ܣܬܶܝ ܐܰܥܡܰܗ ܘܰܐܟ̥ܺܝܠ ܠܶܗ.

ܘܽܗ̄ܘ ܚܰܘܝܳܐ ܨܢܺܝܥܳܐ ܗ̄ܘܰܐ ܙ݄ܕ ܡܶܢ̱ ܟܽܘܠّܶܗ ܗ̄ܰܚّܰܝ̈ܘܳܬ̥ܳܐ ܕܽܗ̄ܘ ܡܰܕ̥݄ܒܪܳܐ ܕܣ݄ܡ ܠܶܗ ܡܳܪܝܳܐ ܐܰ‌ܠܳܗܳܐ. ܘܐܡ݄ܪ ܠܶܗ ܗ̄ܽܘ ܚܰܘܝܳܐ ܠܺܗ̄ܝ ܐܰܢ̱ܬ̥ܬܳܐ: ”ܒ݄ܫܪܳܪܳܐ ܐܡ݄ܪ ܠܶܗ ܐܰ‌ܠܳܗܳܐ ܕܠܳܐ ܐܟ̥ܠܺܝܬܽܘ ܡܶܢ̱ ܟܽܘܠّܶܗ ܗ̄ܰܢ ܐܺܝܠܳܢ̈ܶܐ ܕܽܗ̄ܘ ܦܰܪܕܰܝܣܳܐ؟“

ܘ݄ܒܥܶܠܕܒܳܒܽܘܬ̥ܳܐ ܓܡܰܚܰܬ ܐ̱ܢܳܐ ܒܰܝܢ ܐܶ‌ܠܳܟ̥ ܘܠܺܗ̄ܝ ܐܰܢ̱ܬ̥ܬܳܐ، ܘܒܰܝܢ ܗ̄ܽܘ ܙܰܪܥܰܝܕ̥ܰܟ̥ ܘܠܽܗ̄ܘ ܙܰܪܥܰܝܕ̥ܶܗ. ܗܺܝّܶܗ ܓܕܳܝ݄ܫ ܪܺܝܫܳܟ̥، ܘܗܰܬ ܓܡܳܚܰܬ ܠܶܗ ܒܥܰܪܩܽܘܒ̥ܶܗ.“

ܘܠܺܗ̄ܝ ܐܰܢ̱ܬ̥ܬܳܐ ܐܡ݄ܪ ܠܶܗ: ”ܬܶܙܺܝܕܳܐ ܓܡܰܙ݄ܕ ܐ̱ܢܳܐ ܗ̄ܰܟّܶܐܒ̥̈ܰܝܕ̥ܰܟ̥ ܘܰܒّܰܛܢ̈ܰܝܕ̥ܰܟ̥. ܘ݄ܒܟܶܐܒ̥̈ܶܐ ܓܡܰܘܠܕܰܬ ܐܰܒܢ̈ܶܐ. ܘܥܰܠ ܗ̄ܽܘ ܓܰܒ̥ܪܰܝܕ̥ܰܟ̥ ܓܕܳܥܪܰܬ ܘܗܺܝّܶܗ ܓܡܺܝܫܰܠ݄ܛ ܐܰܥܠܰܟ̥.“

ܘܒܺܗ̄ܝ ܕܰܥܬ̥ܳܐ ܕܦܳܬ̥ܳܟ̥ ܓܕܳܐܟ̥ܠܰܬ ܠܰܚܡܳܐ ܗ݄ܠ ܕܕܳܥܪܰܬ ܠܺܗ̄ܝ ܐܰܪܥܳܐ ܕܡܶܢܰܗ ܡܺܝܕܰܬ. ܡܺܐܝܕ̥ܶܗ ܕܥܰܦܪܳܐ ܗܰܬ ܘܠܽܗ̄ܘ ܥܰܦܪܳܐ ܓܕܳܥܪܰܬ.“

ܘܠܳܐܕ̥ܳܡ ܐܡ݄ܪ ܠܶܗ: ”ܥܰܠ ܕܫܰܡܺܝܥܰܬ ܒܩܳܠܳܐ ܕܺܗ̄ܝ ܐܰܢ̱ܬ̥ܬܰܝܕ̥ܳܟ̥، ܘܰܐܟ̥ܺܝܠ ܠܳܟ̥ ܡܽܗ̄ܘ ܐܺܝܠܳܢܳܐ ܕܐܡ݄ܪ ܠܺܝ ܠܳܟ̥ ܒܽܗ̄ܘ ܦܽܘܩܕܳܢܳܐ ܕܠܳܐ ܐܟ̥ܠܰܬ ܡܶܢܶܗ، ܡܶܢ̱ ܦܳܬ̥ܳܟ̥ ܠܺܝܛܬܳܐ ܓܕܽܗ̄ܘܝܳܐ ܗ̄ܺܝ ܐܰܪܥܳܐ. ܒܟܶܐܒ̥̈ܶܐ ܓܕܳܐܟ̥ܠܰܬ ܡܶܢܰܗ ܟܽܘܠّܶܗ ܗ̄ܰܝّܰܘܡ̈ܶܐ ܕܰܚّܰܝ̈ܰܝܕ̥ܳܟ̥.

ܘܐܡ݄ܪ ܠܶܗ ܠܶܗ ܡܳܪܝܳܐ: ”ܡܰܢ ܡܰܚܘܶܐ ܠܶܗ ܠܳܟ̥ ܕܥܰܪܛܶܠܳܝܳܐ ܗܰܬ؟ ܟܰܐܠܶܗ ܡܽܗ̄ܘ ܐܺܝܠܳܢܳܐ ܕܐܡ݄ܪ ܠܺܝ ܠܳܟ̥ ܒܦܽܘܩܕܳܢܳܐ ܠܳܐ ܐܟ̥ܠܰܬ ܡܶܢܶܗ، ܐܰܟ̥ܺܝܠ ܠܳܟ̥؟“

ܘܡܰܘܦܰܩ ܠܶܗ ܡܳܪܝܳܐ ܐܰ‌ܠܳܗܳܐ. ܘܡܽܗ̄ܘ ܡܰܕ݄ܢܚܳܐ ܡܰܩ݄ܡ ܠܶܗ ܟܪܽܘܒܳܐ (ܡܰܠܰܐܟ̥ܳܐ) ܚܶܕ̥ܳܪ ܕܽܗ̄ܘ ܦܰܪܕܰܝܣܳܐ ܕ݄ܥܕܶܢ، ܘܣܰܝܦܳܐ ܠܛܺܝܫܳܐ ܕܟܳܟܳܪ݄ܟ̥ ܕܢܳܛ݄ܪ ܗ̄ܽܘ ܕܰܪܒܳܐ ܕܽܗ̄ܘ ܐܺܝܠܳܢܳܐ ܕܰܚّܰܝ̈ܶܐ.

ܘ݄ܩܪܶܐ ܠܶܗ ܐܳܕ̥ܳܡ ܐ݄ܫܡܰܗ ܕܺܗ̄ܝ ܐܰܢ̱ܬ̥ܬܳܐ ܚܰܘܳܐ، ܥܰܠ ܕܗܺܝّܰܗ ܗܰܘܝܳܐ ܐܶܡܳܐ ܕܟܘ̇ܠ ܚܰܝܳܐ.