Popular Bible Verses from ܣܶܦܪܳܐ ܕ݄ܒܪܺܝܬ̥ܳܐ 17

Share

ܘܗܰܘܺܝ ܐܰܒܪܳܡ ܐܰܒܪܶܗ ܕ݄ܬܫܰܥ ܘܬ݄ܫܥܺܝ ܐ݄ܫܢ̈ܶܐ، ܘ݄ܓܠܶܐ ܡܳܪܝܳܐ ܥܰܠ ܐܰܒܪܳܡ ܘܐܡ݄ܪ ܠܶܗ ܠܶܗ: ”ܐܳܢܳܐ ܐ̱ܢܳܐ ܐܺܝܠܫܰܕܰܝ ܐܰ‌ܠܳܗܳܐ، ܗܘܰܝ ܛܳܒ̥ܳܐ ܩܽܘܕ̱ܡܺܝ ܘܡܶܕܶܐ ܥܰܝܒܳܐ ܠܳܐ ܣܰܝܡܰܬ.

ܘܢܰܩܠܐ ܚܪܶܬܳܐ ܠ݄ܐ ܓܡ݄ܩܪܶܐ ܐ݄ܫܡܳܟ̥ ܐܰܒܪܳܡ، ܐܶܠܳܐ ܓܕܳܗ̄ܘܶܐ ܐ݄ܫܡܳܟ̥ ܐܰܒܪܳܗܳܡ ܥܰܠ ܕܣ݄ܡ ܠܺܝ ܠܳܟ̥ ܒܰܒܳܐ ܠܓ̥ܰܠܰܒܶܐ ܥܰܡ̈ܶܐ.

ܘ݄ܓܡܰܩ݄ܡ ܐ̱ܢܳܐ ܗ̄ܽܘ ܩܝܳܡܰܝܕ̥ܺܝ ܒܰܝܢ ܐܶ‌ܠܺܝ ܘܶܐ‌ܠܳܟ̥، ܘܒܰܝܢ ܗ̄ܽܘ ܙܰܪܥܰܝܕ̥ܳܟ̥ ܡܶܢ̱ ܒ݄ܬ̥ܪܳܟ̥ ܠܰܕّܳܪ̈ܰܬّ̥ܶܗ، ܠܽܗ̄ܘ ܩܝܳܡܳܐ ܕ݄ܠܥܳܠܰܡ. ܘ݄ܓܕܳܗ̄ܘܶܐ ܐ̱ܢܳܐ ܠܳܟ̥ ܐܰ‌ܠܳܗܳܐ ܘܠܽܗ̄ܘ ܙܰܪܥܰܝܕ̥ܳܟ̥ ܡܶܢ̱ ܒ݄ܬ̥ܪܳܟ̥.

”ܟܰܐܠܶܗ ܐܳܢܳܐ ܓܡܰܩ݄ܡ ܐ̱ܢܳܐ ܗ̄ܽܘ ܩܝܳܡܰܝܕ̥ܺܝ ܐܰܥܡܳܟ̥، ܘ݄ܓܕܳܗ̄ܘܰܬ ܒܰܒܳܐ ܠܥܰܡ̈ܶܐ ܓ̥ܰܠܰܒܶܐ.

ܘܐܡ݄ܪ ܠܶܗ ܐܰ‌ܠܳܗܳܐ ܠܰܐܒܪܳܗܳܡ: ”ܒ݄ܫܪܳܪܳܐ ܣܰܪܳܐ ܗ̄ܺܝ ܐܰܢ̱ܬ̥ܬܰܝܕ̥ܳܟ̥ ܓܡܰܘܠܕܳܐ ܠܳܟ̥ ܐܰܒܪܳܐ، ܘ݄ܓܩܳܪܰܬ ܐ݄ܫܡܶܗ ܐܺܝܣܚܳܩ، ܘ݄ܓܡܰܩ݄ܡ ܐ̱ܢܳܐ ܗ̄ܽܘ ܩܝܳܡܰܝܕ̥ܺܝ ܐܰܥܡܶܗ، ܠ݄ܩܝܳܡܳܐ ܕ݄ܠܥܳܠܰܡ، ܘܠܽܗ̄ܘ ܙܰܪܥܰܝܕ̥ܶܗ ܡܶܢ̱ ܒ݄ܬ̥ܪܶܗ.

ܘ݄ܓܕܳܗ̄ܒܶܢܳܟ̥ ܘܠܽܗ̄ܘ ܙܰܪܥܰܝܕ̥ܳܟ̥ ܡܶܢ̱ ܒ݄ܬ̥ܪܳܟ̥ ܗ̄ܺܝ ܐܰܪܥܳܐ ܕܟܳܥܳܡܪܰܬ ܐܶܒܰܗ، ܟܽܘܠܰܗ ܗ̄ܺܝ ܐܰܪܥܳܐ ܕ݄ܟܢܰܥܢ ܐܟ̥ ܕܝܽܘܪܬ̥ܳܢܳܐ ܗ݄ܠ ܠܥܳܠܰܡ. ܘ݄ܓܕܳܗ̄ܘܶܐ ܐ̱ܢܳܐ ܐܰ‎ܠّܶܗ ܐܰ‌ܠܳܗܳܐ.“

ܘܢܰܦ݄ܠ ܐܰܒܪܳܗܳܡ ܥܰܠ ܦܳܬ̥ܶܗ، ܘܓܰܚ݄ܟ̥ ܘܐܡ݄ܪ ܠܶܗ ܒܠܶܒܶܗ: ”ܠܰܐܒܪܳܐ ܕܡܳܐܐ ܐ݄ܫܢ̈ܶܐ ܓܡܺܝܬܰܘܠ݄ܕ ܐܰܒܪܳܐ؟ ܐܰܘ ܣܰܪܳܐ، ܒܰܪܬ̥ܳܐ ܕܬ݄ܫܥܺܝ ܐ݄ܫܢ̈ܶܐ ܓܡܰܘܠܕܳܐ؟“

ܘܐܡ݄ܪ ܠܶܗ ܐܰ‌ܠܳܗܳܐ ܠܰܐܒܪܳܗܳܡ: ”ܣܰܪܰܝ ܗ̄ܺܝ ܐܰܢ̱ܬ̥ܬܰܝܕ̥ܳܟ̥ ܠܳܐ ܩܳܪܰܬ ܐ݄ܫܡܰܗ ܣܰܪܰܝ، ܥܰܠ ܕܣܰܪܳܐ ܝܳܐ ܐ݄ܫܡܰܗ.

ܘܓܳܙܪܺܝܬܽܘ ܗ̄ܽܘ ܒܰܣܪܳܐ ܕܺܗ̄ܝ ܥܽܘܪܠܽܘܬ̥ܰܬ̥ܟ̥ܽܘ، ܘ݄ܓܕܽܗ̄ܘܝܳܐ ܐܳܬ̥ܳܐ ܕܽܗ̄ܘ ܩܝܳܡܳܐ ܒܰܝܢ ܐܶ‌ܠܺܝ ܘܰܐ‌ܠܟ̥ܽܘ.

ܘܽܗ̄ܘ ܩܝܳܡܰܝܕ̥ܺܝ ܓܡܰܩ݄ܡ ܐ̱ܢܳܐ ܠܶܗ ܥܰܡ ܐܺܝܣܚܳܩ، ܕ݄ܓܡܰܘܠܕܳܐ ܠܳܟ̥ ܣܰܪܳܐ ܒܽܗ̄ܘ ܙܰܒܢܰܢܳܐ، ܫܰܢ̱ܬܳܐ ܚܪܶܬܳܐ.“

ܘܽܗ̄ܘ ܐܰܒܪܳܐ ܕ݄ܬܡܰܢܝܳܐ ܝܰܘܡ̈ܶܐ ܛܪܳܐ ܡ݄ܓܙ݄ܪ ܟܘ̇ܠ ܐܰܒܪܳܐ ܡܰܢܟ̥ܽܘ ܠܰܕّܳܪ̈ܰܬ̥ܟ̥ܽܘ (ܠܰܗ̄ܢ ܐܰܒܢ̈ܶܐ ܕܰܗ̄ܢ ܐܰܒܢ̈ܰܬ̥ܟ̥ܽܘ): ܗ̄ܽܘ ܐܰܒܪܳܐ ܕܽܗ̄ܘ ܒܰܝܬܳܐ، ܘܽܗ̄ܘ ܓܪܶܝܥܳܐ ܕ݄ܙܒ̥ܺܝܢ ܒܟܶܣܦܳܐ، ܟܘ̇ܠ ܐܰܒܪܳܐ ܕܢܽܘܟ̥ܪܳܝܳܐ ܕܠܰܝ̱ܬ ܝܳܐ ܡܽܗ̄ܘ ܙܰܪܥܰܝܕ̥ܳܟ̥. ܓܙܳܪܳܐ ܛܪܳܐ ܓܳܙ݄ܪ ܗ̄ܽܘ ܐܰܒܪܳܐ ܕܽܗ̄ܘ ܒܰܝܬܰܝܕ̥ܳܟ̥، ܘܽܗ̄ܘ ܓܪܶܝܥܰܝܕ̥ܳܟ̥ ܕ݄ܙܒ̥݄ܢ ܠܳܟ̥ ܒܟܶܣܦܳܐ. ܘ݄ܛܪܳܐ ܗ̄ܘܶܐ ܠܽܗ̄ܘ ܩܝܳܡܰܝܕ̥ܺܝ ܒܽܗ̄ܘ ܒܰܣܪܰܬ̥ܟ̥ܽܘ ܩܝܳܡܳܐ ܕ݄ܠܥܳܠܰܡ.