Popular Bible Verses from ܣܶܦܪܳܐ ܕ݄ܒܪܺܝܬ̥ܳܐ 12

Share

ܘ݄ܓܣܳܝܰܡܢܳܟ̥ ܥܰܡܳܐ ܪܰܒܳܐ، ܘܓ݄ܡܒܰܪܰܟ̥ܢܳܟ̥ ܘܡܰܘܪܰܒ̥ ܐ̱ܢܳܐ ܐ݄ܫܡܳܟ̥، ܘ݄ܗܘܰܝ ܡܒܰܪܟ̥ܳܐ. ܘܓ݄ܡܒܰܪܰܟ̥ ܐ̱ܢܳܐ ܗ̄ܰܡܒܰܪ̈ܟ̥ܳܢܰܝܕ̥ܳܟ̥، ܘ݄ܓܠܳܝܰܛ ܐ̱ܢܳܐ ܗ̄ܰܠّܰܝ̈ܳܛܰܝܕ̥ܳܟ̥. ܘ݄ܓܡܺܝܒܰܪܟ̥ܺܝ ܐܶܒܳܟ̥ ܟܽܘܠّܶܗ ܗ̄ܰܫّܰܪ̈ܒܳܬ̥ܳܐ ܕܺܗ̄ܝ ܐܰܪܥܳܐ، ܘܒܽܗ̄ܘ ܙܰܪܥܰܝܕ̥ܳܟ̥.“

ܘܐܡ݄ܪ ܠܶܗ ܡܳܪܝܳܐ ܠܰܐܒܪܳܡ: ”ܙܳܠܳܟ̥ ܡܺܗ̄ܝ ܐܰܪܥܰܝܕ̥ܳܟ̥، ܘܡܺܗ̄ܝ ܕܽܘܟܬ̥ܳܐ ܕܡܰܘܠܕ̥ܰܬ، ܘܡܽܗ̄ܘ ܒܰܝܬܳܐ ܕܒܰܒܳܟ̥ ܠܺܗ̄ܝ ܐܰܪܥܳܐ ܕ݄ܓܡܰܚܘܶܢܳܟ̥.

ܘܣ݄ܡ ܠܶܗ ܐܰܒܪܳܡ ܐܟ̥ ܕܐܡ݄ܪ ܠܶܗ ܠܶܗ ܡܳܪܝܳܐ. ܘܰܐܙّܶܗ ܐܰܥܡܶܗ ܠܽܘܛ. ܘܰܐܒܪܳܡ ܐܰܒܪܶܗ ܕܚܰܡّ݄ܫ ܘܫܰܒ̥ܥܺܝ ܐ݄ܫܢ̈ܶܐ ܗ̄ܘܰܐ ܗ̄ܺܝ ܢܰܩܠܐ ܕܢܰܦ݄ܩ ܡܶܢ̱ ܚܳܪܳܢ.

ܘ݄ܓܠܶܐ ܡܳܪܝܳܐ ܥܰܠ ܐܰܒܪܳܡ ܘܐܡ݄ܪ ܠܶܗ ܠܶܗ: ”ܠܽܗ̄ܘ ܙܰܪܥܰܝܕ̥ܳܟ̥ ܓܕܳܗ̄ܒܶܐ ܐ̱ܢܳܐ ܗ̄ܺܝ ܐܰܪܥܰܬ̥ܶܐ.“ ܘ݄ܒܢܶܐ ܠܶܗ ܬܰܡܳܐ ܡܰܕ̥݄ܒܚܳܐ ܠܡܳܪܝܳܐ ܕ݄ܓܠܶܐ ܐܰܥܠܶܗ.