Popular Bible Verses from ܣܶܦܪܳܐ ܕܡܰܦܩܳܢܳܐ 9

Share

ܐܶܠܳܐ ܠܰܫܰܢ ܗܰܬ̥ܶܐ ܡܰܩ݄ܡ ܠܺܝ ܠܳܟ̥، ܠܰܫܰܢ ܕܡܰܚܘܶܢܳܟ̥ ܗ̄ܽܘ ܚܰܝܠܰܝܕ̥ܺܝ، ܘܠܰܫܰܢ ܕܡ݄ܟܪ݄ܙ ܐ݄ܫܡܺܝ ܒܟܽܘܠܰܗ ܗ̄ܺܝ ܐܰܪܥܳܐ.

ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܙܳܟ̥ ܓܰܒ ܦܶܪܥܽܘܢ ܘܐܡܰܪ ܠܶܗ: ܗܰܘܟ̥ܰܐ ܟܳܐܡ݄ܪ ܡܳܪܝܳܐ ܐܰ‌ܠܳܗܳܐ ܕܰܥّܶܒܪ̈ܳܝܶܐ: ܡܫܰܕ݄ܪ ܠܽܗ̄ܘ ܥܰܡܰܝܕ̥ܺܝ ܕܥܳܒܰܕ ܠܺܝ.

ܡܺܐܝܕ̥ܶܗ ܕ݄ܐܥܕܳܐ ܓܡܰܘܫܰܛ ܐ̱ܢܳܐ ܐܺܝܕ̥ܺܝ، ܘ݄ܓܡܳܚܶܢܳܟ̥ ܘܠܽܗ̄ܘ ܥܰܡܰܝܕ̥ܳܟ̥ ܒܟܶܐܒ̥ܳܐ ܕܽܗ̄ܘ ܡܰܘܬܳܐ، ܘ݄ܓܡܺܝܣܰܟܪܰܬ ܡܺܗ̄ܝ ܐܰܪܥܳܐ.

ܟܰܐܠܰܗ ܐܺܝܕ̥ܶܗ ܕܡܳܪܝܳܐ ܓܕܽܗ̄ܘܝܳܐ ܥܰܠ ܗ̄ܰܩّܶܢܝܳܢ̈ܰܝܕ̥ܳܟ̥ ܕܒܽܗ̄ܘ ܡܰܕ̥݄ܒܪܳܐ. ܘܟܶܐܒ̥ܳܐ ܓ̥ܰܠܰܒܶܐ ܝܰܩܽܘܪܳܐ ܓܕܳܗ̄ܘܶܐ ܒܰܣّܘ̇ܣ̈ܝܶܐ ܘܒܰܚܡܳܪ̈ܶܐ ܘܒܰܓّܰܡ̈ܠܶܐ ܘܒܰܬّܰܘܪ̈ܶܐ ܘܒܰܥܘܳܢ̈ܶܐ. ܘܓ݄ܕܦܳܪ݄ܫ ܡܳܪܝܳܐ ܒܰܝܢ ܗ̄ܰܚّܰܝ̈ܘܳܬ̥ܳܐ ܕܺܐܝܣܪܳܐܶܝܠ ܘܒܰܝܢ ܗ̄ܰܚّܰܝ̈ܘܳܬ̥ܳܐ ܕܰܡّܶܨܪ̈ܳܝܶܐ. ܘܚܰܕ̱ ܡܰܢ̱ ܚّܰܝ̈ܘܳܬ̥ܳܐ ܕܒܶܝܬ̥ ܐܺܝܣܪܳܐܶܝܠ ܠ݄ܐ ܓܡܳܝ݄ܬ̥.“

ܪܰܡܚ݄ܠ، ܐܟ̥ ܕ݄ܐܥܕܳܐ، ܓܡܰܝܬܶܐ ܐ̱ܢܳܐ ܒܰܪܕܳܐ ܚܺܝܨܳܐ ܓ̥ܰܠܰܒܶܐ ܕܠܰܐ ܗ̄ܘܺܝ ܐܟ̥ܳܬ̥ܶܗ ܒܡܶܨܪܶܝܢ ܡܽܗ̄ܘ ܝܰܘܡܳܐ ܕܒܰܢܝܳܐ ܘܗ݄ܠ ܐܳܥܕܳܐ. ܘܳܐܥܕܳܐ ܡܫܰܕ݄ܪ ܡܰܠܬ݄ܡ ܗ̄ܰܚّܰܝ̈ܘܳܬ̥ܰܝܕ̥ܳܟ̥ ܘܟܘ̇ܠ ܡܶܕܶܐ ܕܟ݄ܬ ܠܳܟ̥ ܒܽܗ̄ܘ ܡܰܕ̥݄ܒܪܳܐ. ܟܘ̇ܠ ܢܳܫܳܐ ܐܰܘ ܚܰܝܽܘܬ̥ܳܐ ܕܦܳܝ݄ܫ ܠܰܪܒ̥ܰܠ ܒܽܗ̄ܘ ܡܰܕ̥݄ܒܪܳܐ ܘܠܳܐ ܠܳܬ݄ܡ ܥܳܒ݄ܪ ܠܽܗ̄ܘ ܒܰܝܬܳܐ، ܓܢܳܚ݄ܬ ܐܰܥܠܰܝّܶܗ ܒܰܪܕܳܐ، ܘ݄ܓܡܰܝܬ̥ܺܝ.“

ܘ݄ܓܕܳܗ̄ܘܶܐ ܥܰܦܪܳܐ ܢܰܥܺܝܡܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. ܘ݄ܓܕܳܐܬ̥ܶܐ ܥܰܠ ܗ̄ܰܢ ܢܳܫ̈ܶܐ ܘܥܰܠ ܗ̄ܰܚّܰܝ̈ܘܳܬ̥ܳܐ ܟܶܐܒ̥ܳܐ ܕܓܰܠܕܳܐ، ܕܙܰܝ݄ܕ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ.“ ܘܡ݄ܕّܶܗ ܗ̄ܽܘ ܩܰܛܡܳܐ ܕܽܗ̄ܘ ܐܰܬܽܘܢܳܐ ܘܩܰܝܺܝܡܺܝ ܩ݄ܕ̱ܡ ܦܶܪܥܽܘܢ. ܘ݄ܡܕܰܪܶܐ ܠܶܗ ܡܽܘܫܶܐ ܠܰܐܦ ܗ̄ܺܝ ܫܡܰܝܳܐ ܩ݄ܕ̱ܡ ܥܰܝܢ̈ܶܗ ܕܦܶܪܥܽܘܢ. ܘܗܰܘܺܝ ܟܶܐܒ̥ܳܐ ܕܓܰܠܕܳܐ، ܘܦܰܝ݄ܪ ܒܰܗ̄ܢ ܢܳܫ̈ܶܐ ܘܒܰܚّܰܝ̈ܘܳܬ̥ܳܐ.