Popular Bible Verses from ܣܶܦܪܳܐ ܕܡܰܦܩܳܢܳܐ 6

Share

ܡܰܗ̄ܘܟ̥ܰܐ ܐܰܡܰܪ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ: ܐܳܢܳܐ ܐ̱ܢܳܐ ܡܳܪܝܳܐ ܐܰ‌ܠܳܗܳܐ. ܘ݄ܟܡܰܘܦܰܩ ܐ̱ܢܳܐ ܠܟ̥ܽܘ ܡܽܗ̄ܘ ܫܽܘܥܒܳܕ̥ܳܐ ܕܰܡّܶܨܪ̈ܳܝܶܐ، ܘܟ݄ܡܦܰܨܶܐ ܐ̱ܢܳܐ ܠܟ̥ܽܘ ܡܽܗ̄ܘ ܥܒ̥ܳܕܰܬّ̥ܶܗ، ܘܦܽܘܪܩܳܢܳܐ ܓܦܳܪܰܩ ܐ̱ܢܳܐ ܠܟ̥ܽܘ ܒܺܐܝܕ̥ܳܐ ܚ݄ܨܬܳܐ ܘܒ݄ܕܪܳܥܳܐ ܥܶܠܳܝܳܐ، ܘ݄ܒܕ̈ܺܝܢܶܐ ܪ̈ܰܒܶܐ.

ܘ݄ܓܡܳܝܰܕܢܰܢܟ̥ܽܘ ܥܰܡܳܐ ܐܶ‌ܠܺܝ. ܘ݄ܓܕܳܗ̄ܘܶܐ ܐ̱ܢܳܐ ܠܟ̥ܽܘ ܐܰ‌ܠܳܗܳܐ. ܘ݄ܓܕ݄ܐܕ̥ܥܺܝܬܽܘ ܕܳܐܢܳܐ ܐ̱ܢܳܐ ܡܳܪܝܳܐ ܐܰ‌ܠܳܗܰܬ̥ܟ̥ܽܘ ܕ݄ܟܡܰܘܦܰܩ ܐ̱ܢܳܐ ܠܟ̥ܽܘ ܡܽܗ̄ܘ ܫܽܘܥܒܳܕ̥ܳܐ ܕܰܡّܶܨܪ̈ܳܝܶܐ.

ܘ݄ܓܡܰܝܬܶܢܰܢܟ̥ܽܘ ܠܺܗ̄ܝ ܐܰܪܥܳܐ ܕܡܰܥܠܶܐ ܠܺܝ ܐܺܝܕ̥ܺܝ ܕܳܗ̄ܒܶܢܰܗ ܠܰܐܒܪܳܗܳܡ ܘܠܺܐܝܣܚܳܩ ܘ݄ܠܝܰܥܩܽܘܒ. ܘ݄ܓܕܳܗ̄ܒܶܢܰܢܟ̥ܽܘ ܝܳܐ ܝܳܪܬܽܘܬ̥ܳܐ، ܐܳܢܳܐ ܡܳܪܝܳܐ.“ ܘܗܰܘܟ̥ܰܐ ܐܡ݄ܪ ܠܶܗ ܡܽܘܫܶܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܘܠܳܐ ܫܰܡܺܝܥܺܝ ܠܡܽܘܫܶܐ ܡܽܗ̄ܘ ܟܶܐܒ̥ܳܐ ܕܢܰܦܫ̈ܰܝّܶܗ ܘܡܽܗ̄ܘ ܫܽܘܥܒܳܕ̥ܳܐ ܩܰܫܝܳܐ.

ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܐ݄ܥܕܳܐ ܓܚܳܙܰܬ ܗ̄ܽܘ ܡܶܕܶܐ ܕ݄ܓܣܳܝܰܡ ܐ̱ܢܳܐ ܠܦܶܪܥܽܘܢ. ܡܺܐܝܕ̥ܶܗ ܕܒܺܐܝܕ̥ܳܐ ܚ݄ܨܬܳܐ (ܥ݄ܠ ܡܶܢܶܗ) ܓ݄ܡܫܰܕܰܪّܶܗ، ܘܒ݄ܕܪܳܥܳܐ ܥܶܠܳܝܳܐ ܓܡܰܘܦܰܩّܶܗ ܡܺܗ̄ܝ ܐܰܪܥܰܝܕ̥ܶܗ.“