Popular Bible Verses from ܣܶܦܪܳܐ ܕܡܰܦܩܳܢܳܐ 20

Share

”ܐܳܢܳܐ ܐ̱ܢܳܐ ܡܳܪܝܳܐ ܐܰ‌ܠܳܗܰܝܕ̥ܳܟ̥̥ ܕܡܰܣܠܰܩ ܠܺܝ ܠܳܟ̥ ܡܺܗ̄ܝ ܐܰܪܥܳܐ ܕܡܶܨܪܶܝܢ، ܡܽܗ̄ܘ ܐܰܬ̥ܪܳܐ ܕܺܗ̄ܝ ܓܪܰܥܝܽܘܬ̥ܳܐ، ܠܳܐ ܗ̄ܘ݄ܢ ܠܳܟ̥ ܐܰ‌ܠܳܗ̈ܶܐ ܚܪ̈ܶܢܶܐ ܣܛܰܪ ܡܶܢܺܝ.

ܠܳܐ ܣܰܝܡܰܬ ܠܳܟ̥ ܐܰܝܢܰܐ ܨܰܠܡܳܐ ܐܰܘ ܐܰܝܢܰܐ ܨܽܘܪܬܳܐ ܕܟܺܝܬ ܒܺܗ̄ܝ ܫܡܰܝܳܐ ܡܶܢ̱ ܠܰܠܥ݄ܠ، ܘ݄ܕܟܺܝܬ ܒܺܗ̄ܝ ܐܰܪܥܳܐ ܡܶܢ̱ ܠܰܠܬܰܚ، ܘ݄ܕܟܺܝܬ ܒܰܡّܰܝ̈ܶܐ ܕܠܰܠܬܰܚ ܡܺܗ̄ܝ ܐܰܪܥܳܐ، ܠܳܐ ܣܳܓ̥ܕܰܬّܶܗ ܘܠܳܐ ܥܳܒܕܰܬّܶܗ، ܡܺܐܝܕ̥ܶܗ ܕܳܐܢܳܐ ܐ̱ܢܳܐ ܡܳܪܝܳܐ ܐܰ‌ܠܳܗܰܝܕ̥ܳܟ̥̥، ܐܰ‌ܠܳܗܳܐ ܛܰܢܳܢܳܐ، ܟܳܡܥܰܩܰܒ ܐ̱ܢܳܐ ܗ̄ܰܢ ܐܰܒܢ̈ܶܐ ܥܰܠ ܗ̄ܰܚܛܳܗ̈ܶܐ ܕܰܒّܰܒ̈ܶܐ ܗ݄ܠ ܬܠܳܬ̥ܳܐ ܐܰܘ ܐܰܪܒܥܳܐ ܕܳܪ̈ܶܐ ܠܰܗ̄ܢܺܝ ܕܟܳܚܳܛ݄ܢ ܠܺܝ.

ܡܝܰܩ݄ܪ ܠܒܰܒܳܟ̥ ܘܠܶܐܡܳܟ̥ ܕܙܰܝܕܺܝ ܗ̄ܰܝّܰܘܡ̈ܰܝܕ̥ܳܟ̥ ܒܺܗ̄ܝ ܐܰܪܥܳܐ ܕ݄ܓܕܳܗ̄ܒܶܐ ܠܳܟ̥ ܡܳܪܝܳܐ ܐܰ‌ܠܳܗܰܝܕ̥ܳܟ̥̥.

ܢܛܰܪ ܝܰܘܡܶܗ ܕܫܰܒܬ̥ܳܐ ܕ݄ܡܩܰܕܫܰܬ ܠܶܗ.

ܠܳܐ ܝܳܡܰܬ ܒ݄ܐܫܡܶܗ ܕܡܳܪܝܳܐ ܐܰ‌ܠܳܗܰܝܕ̥ܳܟ̥̥ ܒܰܕّܽܘܓ̈ܠܶܐ، ܡܺܐܝܕ̥ܶܗ ܕܠܳܐ ܓ݄ܡܒܰܪܶܐ ܡܳܪܝܳܐ ܗ̄ܽܘ ܚܰܕ̱ ܕܝܳܡܶܐ ܒ݄ܐܫܡܶܗ ܒܰܕّܽܘܓ̈ܠܶܐ.

ܐ݄ܫܬܳܐ ܝܰܘܡ̈ܶܐ ܟܥܳܒ̥ܕܰܬ ܘܣܰܝܡܰܬ ܟܽܘܠܶܗ ܗ̄ܽܘ ܥܒ̥ܳܕܰܝܕ̥ܳܟ̥. ܘܽܗ̄ܘ ܝܰܘܡܳܐ ܕܰܫّܰܒ̥ܥܳܐ ܫܰܒܬ̥ܳܐ ܠܡܳܪܝܳܐ ܐܰ‌ܠܳܗܰܝܕ̥ܳܟ̥̥ ܝܳܐ. ܠܳܐ ܣܰܝܡܰܬ ܐܶܒܶܗ ܐܰܝܢܰܐ ܥܒ̥ܳܕܳܐ، ܗܰܬ ܘܽܗ̄ܘ ܐܰܒܪܰܝܕ̥ܳܟ̥ ܘܺܗ̄ܝ ܒܰܪܬ̥ܰܝܕ̥ܳܟ̥ ܘܽܗ̄ܘ ܓܪܶܝܥܰܝܕ̥ܳܟ̥ ܘܺܗ̄ܝ ܓܪܰܥܬܰܝܕ̥ܳܟ̥، ܘܰܚّܰܝ̈ܘܳܬ̥ܰܝܕ̥ܳܟ̥، ܘܽܗ̄ܘ ܢܽܘܟ̥ܪܳܝܳܐ ܕܒܰܡܕ̥ܺܝܢ̈ܳܬ̥ܰܝܕ̥ܳܟ̥.

ܠܳܐ ܪܰܝܓܰܬ ܗ̄ܽܘ ܒܰܝܬܳܐ ܕܚܰܒ̥ܪܳܟ̥. ܠܳܐ ܪܰܝܓܰܬ ܗ̄ܺܝ ܐܰܢ̱ܬ̥ܬܳܐ ܕܚܰܒ̥ܪܳܟ̥ ܘܽܗ̄ܘ ܓܪܶܝܥܰܝܕ̥ܶܗ ܘܺܗ̄ܝ ܓܪܰܥܬܰܝܕ̥ܶܗ، ܘܽܗ̄ܘ ܬܰܘܪܰܝܕ̥ܶܗ ܘܽܗ̄ܘ ܚܡܳܪܰܝܕ̥ܶܗ، ܘܟܘ̇ܠ ܡܶܕܶܐ ܕܟܺܝܬ ܠܽܗ̄ܘ ܚܰܒ̥ܪܰܝܕ̥ܳܟ̥.“

ܠܳܐ ܣܳܗܕܰܬ ܥܰܠ ܚܰܒ̥ܪܳܟ̥ ܣܳܗܕܽܘܬ̥ܳܐ ܕܰܓܳܠܬܳܐ.

ܠܳܐ ܙܳܢܰܬ (ܓܰܝܪܰܬ).

ܠܳܐ ܩܳܛܠܰܬ.

ܠܳܐ ܓܳܢܒ̥ܰܬ.