Popular Bible Verses from ܣܶܦܪܳܐ ܕܡܰܦܩܳܢܳܐ 2

Share

ܘܫܰܡ݄ܥ ܐܰ‌ܠܳܗܳܐ ܗ̄ܽܘ ܬܶܢܺܝܢܰܬّ̥ܶܗ، ܘ݄ܕ̥ܟ݄ܪ ܠܶܗ ܗ̄ܽܘ ܩܝܳܡܰܝܕ̥ܶܗ ܕܥܰܡ ܐܰܒܪܳܗܳܡ ܘܥܰܡ ܐܺܝܣܚܳܩ ܘܥܰܡ ܝܰܥܩܽܘܒ. ܘ݄ܚܙܶܐ ܠܶܗ ܐܰ‌ܠܳܗܳܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܘܰܐܕ̥݄ܥ ܐܰ‌ܠܳܗܳܐ.

ܘܗܰܘܺܝ ܡܶܢ̱ ܒ݄ܬ̥݄ܪ ܝܰܘܡ̈ܳܬ̥ܳܐ ܓ̥ܰܠܰܒܶܐ ܡܰܝ݄ܬ̥ ܗ̄ܽܘ ܡܰܠܟܳܐ ܕܡܶܨܪܶܝܢ. ܘܡܰܢܺܝܢܺܝ ܗ̄ܘܰܘ̱ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܓܪܰܥܝܽܘܬ̥ܳܐ ܩܫܺܝܬܳܐ، ܘ݄ܡܨܰܠܰܠّܶܗ. ܘܣܰܠܺܝܩܳܐ ܗ̄ܺܝ ܓܥܰܝܬܰܬّ̥ܶܗ ܓܰܒ ܐܰ‌ܠܳܗܳܐ ܡܺܗ̄ܝ ܓܪܰܥܝܽܘܬ̥ܳܐ.

ܘܝܰܪܽܒ̥ ܗ̄ܽܘ ܙܥܽܘܪܳܐ. ܘܡܰܝܬܶܐ ܠܰܗ ܠܺܗ̄ܝ ܒܰܪܬ̥ܳܐ ܕܦܶܪܥܽܘܢ. ܘܗܰܘܺܝ ܠܰܗ ܝܳܐ ܐܰܒܪܳܐ، ܘ݄ܩܪܶܐ ܠܰܗ ܐ݄ܫܡܶܗ ”ܡܽܘܫܶܐ،“ ܥܰܠ ܕܐܡ݄ܪ ܠܰܗ ”ܕܡܰܢ̱ ܡّܰܝ̈ܶܐ ܓܪ݄ܫ ܠܺܝ.“

ܘܐܡ݄ܪ ܠܰܗ ܠܰܗ ܗ̄ܺܝ ܒܰܪܬ̥ܳܐ ܕܦܶܪܥܽܘܢ: ”ܡܘ̇ܕ ܠܰܟ̥ ܗ̄ܽܘ ܙܥܽܘܪܰܢܳܐ. ܡܰܘܢܰܩ ܠܺܝ ܝܳܐ ܘܳܐܢܳܐ ܓܕܳܗ̄ܒܰܠܠܰܟ̥ ܗ̄ܽܘ ܐܰܓ̥ܪܰܝܕ̥ܰܟ̥.“ ܘܡ݄ܕ ܠܰܗ ܗ̄ܺܝ ܐܰܢ̱ܬ̥ܬܳܐ ܗ̄ܽܘ ܙܥܽܘܪܳܐ ܘܡܰܘܢܰܩ ܠܰܗ ܠܶܗ.

ܘܢܰܚܺܝܬܳܐ ܗ̄ܺܝ ܒܰܪܬ̥ܳܐ ܕܦܶܪܥܽܘܢ ܕܣܳܚܝܳܐ ܒܽܗ̄ܘ ܢܰܗܪܳܐ، ܘܰܓܪ̈ܰܥܝܳܬ̥ܰܝܕ̥ܰܗ ܡܗܰܠܟ̥ܺܝ ܗ̄ܘܰܘ̱ ܥܰܠ ܣܰܦ̊ܬ̥ܶܗ ܕܽܗ̄ܘ ܢܰܗܪܳܐ. ܘ݄ܚܙܶܐ ܠܰܗ ܗ̄ܺܝ ܩܺܝܒܽܘܬ̥ܳܐ ܒܺܗ̄ܝ ܕܽܘܟܬ̥ܳܐ ܕܰܡّܰܝ̈ܶܐ ܪ̈ܰܩܺܝܩܶܐ. ܘ݄ܡܫܰܕܰܪ ܠܰܗ ܗ̄ܰܓܪ̈ܰܥܝܳܬ̥ܰܝܕ̥ܰܗ ܘܡܺܝܕܳܐ ܠܰܗ.

ܘܗܰܘܺܝ ܒܰܝّܰܘܡ̈ܰܢ݄ܟ، ܘܝܰܪܽܒ̥ ܡܽܘܫܶܐ ܘܢܰܦ݄ܩ ܠܓܰܒ ܗ̄ܰܢ ܐܰܚ̈ܽܘܢܳܢܰܝܕ̥ܶܗ، ܘ݄ܚܙܶܐ ܠܶܗ ܗ̄ܽܘ ܫܽܘܥܒܳܕܰܬّ̥ܶܗ. ܘ݄ܚܙܶܐ ܠܶܗ ܓܰܒ̥ܪܳܐ ܡܶܨܪܳܝܳܐ ܕܟܳܡܳܚܶܐ ܠܓܰܒ̥ܪܳܐ ܥܶܒܪܳܝܳܐ ܡܰܗ̄ܢ ܐܰܚ̈ܽܘܢܳܢܰܝܕ̥ܶܗ، ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ. ܘܕܰܥ݄ܪ ܚ݄ܪ ܠܶܗ ܠܰܗ̄ܪܟܶܐ ܘܠܰܗ̄ܪܟܶܐ ܘ݄ܚܙܶܐ ܠܶܗ ܕܠܰܝܬ ܢܳܫܳܐ، ܘ݄ܩܛܺܝܠ ܠܶܗ ܗ̄ܽܘ ܡܶܨܪܳܝܳܐ، ܘ݄ܛܡ݄ܪ ܠܶܗ ܒܽܗ̄ܘ ܥܰܦܪܳܐ.