Popular Bible Verses from Matayo 6

Share

Ivo tanhu zambwileni ufaume wa Mulungu na gaja goyolonda, na gamwenga gose mokongezeligwa.

Ivo, sekemuigaiye igolo, kwavija igolo yoigaiya yenyego. Hailondeka kuhanganya madununzo ga chila zua.

“Iyo mana nowalongela seke mdumbe kwambuli ya ndia hebu nying'wa vimlonda ili muwe na ugima, hebu vivalo vimulonda kwa mbuli ya ng'huli zenu. Ivo, ugima ni ndia muhala hebu na vimwenga? Na lukuli vilihi haubita vivalo?

Mbali gweye wahapula, ingila mng'anda yako na hinda lwivi lwako, amala mpule Tata yako yeli mchifiso. Nayo tataako yokuona gautenda mchifiso, kokwing'ha ngweko.

Vino, ivo vumlondeka kupula, ‘Tata yetu ulikuulanga kwa Mulungu, Zina jako ditogoligwe, Ufaume wako uvike, Duulonda disang'hanike muiisi kama uko kuulanga kwa Mulungu.

Uching'he lelo ndia yetu kama vuuching'haga.

Ugele kumgongo ubananzi wetu uchitendile, kama vija na chele vichiwagelela kumgongo wachitendele gehile.

Seke uchigele mmagezo, mbali uchilohole kulawa kwa ija mbananzi.

Kwavija mhagela kumgongo ubananzi wao uwawatendele, na Tata yenu yeli kuulanga kwa Mulungu kowalekesela namweye ubananzi wenu.

Waloleni ndege, wao hawahanda na kugobola hebu wabule gulu jojose. Hata ivo Tata yenu yeli kuulanga kwa Mulungu kowalisa. Ivo, mweye hamfaya ng'hani kwa Mulungu kubita wao?

Yesu kagendelela kulonga, “Seke muikile usigavu muiisi hanhu mng'onyo nondo na ng'hutu hubananga, na wabavi hubena na kwiba. Muikile usigavu kuulanga hanhu ving'onyo nondo hebu ng'hutu hawadaha kubananga, hebu wabavi kubena na kwiba. Kwavija hanhu hali na uzenzi wako, na moyo wako wabaho.

Yesu kagendelela kulonga, “Habule munhu yodaha kuwasang'hanila wandewa waidi, kwiza komwihila imwe na komwing'ha wende imwenga, hebu koilumba na imwe na kumzeleu imwenga. Hamdaha kumsang'hanila Mulungu na uzenzi hamwe.

Ihawa Mulungu kodivaza yani dili mdikonde, dija lelo dabaha, na igolo donyala na dokwasigwa mmoto, ivo mweye hamtendeligwa ganogile kubita ijo yani mweye mli na nhogola ndodo!

Mbali gweye uhamtaza chikumbi muyega, tenda ivo hata mbwigaako wahabehi seke yavimanye vuutenda. Amala yokua mbuli yako ya chifiso. Na Tataako yoona chuutendile mchifiso, kokugweka.

Yesu kagendelela kulonga, “Itiganyeni sekemsang'hane sang'hano zenu zinogile kwa wanhu ili mdahe kutogoligwa nao. Bila ivo, Tata yenu yeli kuulanga homwing'heni nhunza.

Yesu kagendelela kulonga, “Mwahafunga sekemlaguse giogio mvihanga venu kama vibilikizi viwotenda. Wao wolagusa giogio mvihanga, wanhu wavimanye wafunga. Nokugangamizila kweli, wao wamala kulihigwa. Mbali gweye wahafunga, sunha chihanga chako, na bakala mavuta mditwi, ili munhu yoyose seke yavimanye kua kofunga, mbali yavimanye Tataako tu ija haoneka. Na tataako ija yolola gautenda mchifiso, kokugweka.