Popular Bible Verses from Yohana 6

Share

Yesu kawalongela, “Niye iyo ndiya ya ugima. Munhu yokwiza kumwangu, hoona nzala mbe, ivija yonitogola hona ng'hilu mbe.

Muhe wa Mulungu iyo yogala ugima, lukuli haudaha chinhu. Mbuli ziniwalongele ni muhe na ugima.

Seke muhunganikile ndiya ija iyola, mbali hunganikileni ndiya ija haimala kwa mbuli ya ugima ulibule uhelelo. Mwana wa Munhu ija Tata yomulongelela komwing'heni ndiya iyo.”

Manake chino icho choyolonda Tataangu, chila yomoona Mwana na kumtogola yawe na ugima ulibule uhelelo, na niye nomzilibula mdizua da uhelelo.

Yesu kawalongela, “Ino iyo sang'hano iyolonda Mulungu muisang'hane, kumtogola ija yamtumile.”

Wanhu wose yoning'ha Tata wokua wajalusona wangu, na niye simwasa kunze mbe yoyose yokwiza kumwangu

Simoni Petulo kedika, Mndewa! Chiite kwa yelihi? Gweye iyo uli na usenga wa ugima ulibule uhelelo.

Niye iyo ndiya ya ugima ihulumuke kulawa kuulanga kwa Mulungu. Munhu yoyose yoja ndiya ino kokala na ugima ulibule uhelelo. Na ndiya inimwing'ha ni lukuli lwangu, niulava kwa mbuli ya ugima wa wanhu muuisi.

Habule munhu yonda yeze kumwangu, kama Tata yanhumile hamkwegile kumwangu, na niye nomzilibula muukomelezo wa zua.

Manake ndiya ya Mulungu ni ija ahulumuke kulawa kuulanga kwa Mulungu, na kuweng'ha ugima wanhu muuisi.

Niye iyo ndiya ya ugima.

Baho Yesu kaisola ija migate, kamwing'ha Mulungu hewela, na kuwagolela wanhu wose wakalile haja, na katenda ivo kwa waja somba na chila munhu kabokela chija chiyalondile. Wanhu viwegute Yesu kawalongela waluko wake, “Vidondoleni vija vihande va migate mwike hamwe sekevage.”

Waja waluko wake viwakalile waita behi na kilomita tano hebu sita, wamuwona Yesu kogenda uchanha ya gaja mazi behi na kuivikila ija ngalawa,waja waluko wadumba ng'hani. Mbali Yesu kawalongela, “Sekemdumbe iyo niye.”