Popular Bible Verses from Matayo 10

Share

Yesʉ wɨkalʉnga, “Itungo ɨlɨ, ʉnene kʉmʉtʉma mʉantʉ nɨabi mʉtʉle mɨapolo anga inkolo niikolɨ pambʉgi. Mʉtʉle mɨahʉgʉ anga inzoka, hangi mʉzemɨapolo anga nkʉnda.

Mʉntʉ wɨhi nʉloilwe kʉmiponia nkolo akwe kʉnsoko ane ʉkʉmilimɨlya, ingɨ mʉntʉ wɨhi nʉʉkʉlimɨlya nkolo akwe nsoko ane ʉkʉmɨponia.

Leki kʉogopi ɨantʉ nɨahumille kʉʉbʉlaga mʉɨlɨ nʉwako, ingɨ shanga ahʉmile kʉbʉlaga nkolo a mʉntʉ. Bahʉ kʉmogopa ʉyʉ nʉhʉmile kʉlimansɨɨlya mʉili nɨ nkolo kʉʉlʉngʉ mʉ moto nɨ shanga wɨlima.

Mʉntʉ wɨhi nɨ shanga ʉkʉkenka mʉsalaba wakwe nʉ kʉntyata, shanga ʉkʉhʉma kʉtʉla mʉmanyisigwa wane.

“Mʉntʉ wɨhi nʉkʉngomba nʉ kʉntanantya mʉmilʉndo kɨna nʉanso wane, nʉnene ga nzɨza mʉgomba pantongeela ang'wa Tata wane nʉwa kigʉlʉ. Ingɨ mʉntʉ wɨhi nʉkʉnihita ntongeela a antʉ kɨna ʉnene singa nɨakwe, nʉ nene nzɨɨza mʉhita pantongeela ang'wa Tata wane nʉwa kigʉlʉ.

Mʉakomye alwae, mʉiʉshe nɨakule nɨanyambili mʉakomye nawaitɨ nɨ ingɨiwe nɨ ahing'wɨ mʉapumɨlye. Mʉpewe ʉhʉmi ʉwʉ nakanda, mʉzeleka kʉhɨa kʉlɨpwa.

Kʉlʉlo leki kogopi, kʉnsoko ʉnyenye mʉkete nsaɨlo kʉng'wi Itunda kʉkɨla nsense ni yɨdʉ.

Yesʉ wɨkalʉnga hangɨ, “Leki kʉsɨgi kɨna ndetile matiliga mihɨɨ. Ingɨ shanga ndetile anga matiliga, ndetile wilei.