Popular Bible Verses from Yohana 14

Share

“Kʉmʉlekela matiliga, Ee! Kʉmʉpa matiliga ane. Shanga kʉmʉpa ʉnyenye anga antʉ aʉnkumbigʉlʉ nɨɨmʉpa. Leki kʉtulɨ nɨmasɨgo mʉnkolo yanyu, nʉkogopa.

Yesʉ wɨkamʉsʉkɨɨlya, “Ʉnene yɨyo nzila nɨaɨla antʉ itai ang’wi Itunda nʉkʉapa ʉpanga nʉwa kalɨ na kalɨ. Mʉntʉ shanga ʉzile kʉng’wa Tata anga wahite kʉkɨɨla kʉng’wane.

Yesʉ wɨkaaɨla, “Leki kʉhʉshi mʉnkolo yanyu. Mʉmʉhʉɨɨe Itunda, nihʉɨɨli nʉnene ga.

Ingɨ Miaɨɨlyi wanyu, Ng’wahʉ Ng’welʉ, nʉ Tata ʉkʉmʉtʉma kʉtula kimɨkɨɨli kane, ʉkʉmʉmanyisa makani ɨhi nʉkʉmʉkɨmbʉsha ɨhi naɨnʉmʉɨɨe.

Antʉ nɨasɨngɨɨye malagɨɨlyo ane nʉkʉmakela, nɨanso wawo andoilwe. Nawo nɨandoilwe ʉnene Tata wane ʉkʉalowa, nʉnene kʉalowa nʉkigeeleka kʉng’wao.

Nʉnene kʉmʉlompa ʉ Tata, nʉyo ʉkʉmʉpa Miaɨɨlyi wanyu mʉngɨɨza, nɨmʉkikalania ɨkalɨ na kalɨ. Nʉwanso ingɨ Ng’wahʉ nʉwatai nʉang’wi Itunda. Antʉ aʉnkumbigʉlʉ shanga akʉmʉsɨngɨɨlya kʉnsoko shanga ʉhumile kʉmʉona ang’wɨ kʉmʉlɨnga. Ingɨ ʉnyenye mʉmʉlɨngile kʉnsoko ʉkolɨ palʉng’wɨ nʉnyenye hangi wishiɨ mʉng’wanyu.

Ʉnyenye anga mʉlompe kɨntʉ kɨhi anga nɨndoewe, kʉmʉtendeela, ingɨ ʉ Tata wakʉligwe mʉ Ng’wana. Anga mʉlompe kɨntʉ kɨhi anga nɨndoewe, kʉmʉtendeela.

Yesʉ wɨkaaɨla, “Anga mʉndowe, mʉkʉkela ɨmalagɨɨlyo ane.

Mʉnyʉmba ang’wa Tata wane lʉkolɨ likalo lɨdʉ, kang’wɨ shangaʉʉ, ɨze namʉtambʉɨe. Itungo ɨlɨ nongoe nende mʉnoneelya likalo.

Ʉnene anga nende nʉmʉnonelya ʉnyenye ʉlikalo, kʉtulya nʉmʉhole mɨshiɨ palʉng’wɨ nʉnene, ingɨ pa nkolɨ ʉnene, nʉnyenye mʉtule papo.

Tomaso wɨkamʉɨla, “Isekʉlʉ, ʉsese shanga kʉlɨngile kʉʉhongile, kʉhumile ʉlɨ kʉmɨlɨnga nzɨla?”