Popular Bible Verses from ᐃᓐᖏᕈᑎᑦ 91

Share

ᐊᑕᓂᕐᒧᑦ ᐅᖃᕐᓂᐊᕐᐳᖅ, “ᕿᒫᕕᒋᕙᒋᑦ ᓴᐳᑦᔨᔨᒋᓪᓗᑎᓪᓗ; ᒎᑎᒐ, ᑕᑎᒋᕙᒋᑦ.”

ᑖᓐᓇ ᖁᑦᓯᖕᓂᕐᐹᑉ ᐃᓂᖓᓂ ᐃᑦᔪᕐᓁᑦᑐᒦᑦᑐᖅ, ᐊᔪᒐᖃᖏᑦᑑᑉ ᑕᕐᕋᓕᓂᖓᓄᑦ ᐅᓕᒃᑕᐅᓯᒪᓂᐊᕐᐳᖅ

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᑖᑦᓱᒪ ᐂᖏᓕᖁᑎᓂ ᐃᓕᖕᓂᒃ ᑲᒪᑎᓐᓂᐊᕐᒪᒋᑦ, ᓴᐳᑦᔨᔨᐅᖁᓪᓗᒋᑦ ᐊᖅᑯᑎᒋᓂᐊᕐᑕᕐᓂ ᑕᒤᓐᓂ.

ᐃᓴᕈᕐᒥᓄᑦ ᐅᓕᒃᓯᒪᓂᐊᕐᐹᑎᑦ, ᐃᓴᕈᖏᒃᑕ ᐊᑖᓂ ᓴᐳᑦᔭᐅᕕᒃᓴᖃᕐᓂᐊᕐᐳᑎᑦ; ᑖᑦᓱᒪ ᓱᖁᓯᔪᐃᑦᑑᓂᖓ ᓴᐴᓗᑕᒃᓴᐅᖕᒪᑦ ᑭᓕᕐᑕᐅᑦᔧᒃᑯᑎᒃᓴᐅᓪᓗᓂᓗ.

ᐊᑕᓂᖅ ᕿᒫᕕᒋᓯᒪᓕᕋᕕᐅᒃ ᓴᐳᑦᔨᔨᒋᔪᒪᓕᕐᓗᒍ, ᖁᑦᓯᖕᓂᕐᐹᖑᔪᖅ ᐃᓂᒃᓴᕐᑖᕆᓯᒪᓕᕋᕕᐅᒃ, ᐱᐅᖏᑦᑐᒧᑦ ᓱᓇᒧᓪᓘᓐᓃᑦ ᑎᑭᑕᐅᓂᐊᓐᖏᓚᑎᑦ, ᖃᓂᒪᓇᕐᑐᒧᓪᓘᓐᓃᑦ ᐃᓂᒋᔧᑦ ᖃᒡᓕᔭᐅᓂᐊᓐᖏᓚᖅ.

ᑖᑦᓱᒪ ᐱᐅᓕᓂᐊᕐᐹᑎᑦ ᓂᒐᕐᑎᑦᓯᓇᓱᐊᕐᑎᐅᑉ ᓂᒐᖓᓂᑦ ᓱᒃᑯᑎᕆᓇᓱᐊᕐᑑᓪᓗ ᐱᓇᓱᐊᕐᓂᖓᓂᑦ ᓴᓗᒤᑦᑐᒥᑦ.

1,000 ᓴᓂᖕᓂ ᑐᖁᑕᐅᔪᓐᓇᕋᓗᐊᕐᐳᑦ, 10,000ᐃᓪᓗ ᑕᓕᕐᐱᖔᕐᓂ ᑐᖁᑕᐅᔪᓐᓇᕆᓪᓗᑎᒃ, ᐃᕝᕕᓪᓕ ᑕᒪᑐᒧᖓ ᑎᑭᑕᐅᓂᐊᓐᖏᓚᑎᑦ.

ᐅᓐᓄᐊᑉ ᑲᑉᐱᐊᓇᕐᓂᖓᓂᒃ ᓯᕘᕋᒋᔭᖃᖁᓇᒃ, ᐅᕝᕙᓗ ᖃᕐᔪᓂᒃ ᖃᖓᑕᔪᓂᒃ ᐅᓪᓘᑎᓪᓗᒍ. ᐅᕝᕙᓗ ᐅᓐᓄᒃᑯᑦ ᑖᕐᑎᓪᓗᒍ ᓱᒃᑯᑎᕆᓇᓱᐊᕐᑑᑉ ᐱᓇᓱᐊᕐᓂᖓᓂᒃ ᓴᓗᒤᑦᑐᒥᒃ, ᐅᕝᕙᓗ ᐅᓪᓗᓪᓗᐊᒃᑯᑦ ᐅᐃᕕᓴᕐᑐᑦ ᑐᖁᑦᓯᓇᓱᐊᕐᓂᖏᓐᓂᒃ.