Popular Bible Verses from ᒫᑎᐅᓯᐅᑉ ᐊᒡᓚᖏᑦ 24

Share

ᐊᔪᕐᑐᓕᓂᐅᑉ ᐱᕙᓪᓕᐊᓂᖓᓄᑦ, ᐃᓄᐃᑦ ᓇᒡᓕᖕᓂᖏᑦ ᓂᒡᓕᕙᓪᓕᐊᔪᒫᕐᐳᑦ. ᐅᒃᐱᕐᓂᒥᒡᓕ ᑎᒍᒥᐊᖏᓐᓇᕐᓗᓂ ᐃᓱᐊᓄᑦ ᑎᑭᑦᑐᖅ ᑖᓐᓇ ᐱᐅᓕᔭᐅᔪᒫᕐᐳᖅ.

ᐅᖃᐅᓰᑦ ᑐᓴᕈᒥᓇᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᓖᑦ ᐊᔪᕆᕐᑐᐃᑦᔪᑕᐅᔪᒫᕐᐳᑦ ᓄᓇᕐᔪᐊᓕᒫᒥ ᓇᓂᑐᐃᓐᓇᖅ, ᓱᓕᓂᖓᓗ ᓴᖅᑭᑎᑕᐅᓗᓂ ᐃᓅᖃᑎᒌᒡᔪᐊᓄᑦ; ᑕᕝᕙ ᓯᓚᕐᔫᑉ ᓇᒡᒐᑖ ᓇᓪᓕᐅᑎᔪᒫᕐᐳᖅ.”

ᐅᓇᑕᕐᑐᓂᒃ ᖃᓂᒋᔭᑦᓯᓐᓂ ᑐᓵᔪᒫᕐᐳᓯ, ᐅᖓᓯᒋᔭᑦᓯᓐᓂᓗ ᐅᓇᑕᕐᑐᑦ ᐅᖃᐅᓯᐅᓂᖏᓐᓂᒃ ᑐᓴᔪᒫᕐᐳᓯ; ᑲᑉᐱᐊᓱᒃᑍᓕᒋᑦᓯ; ᑍᒤᑦᑐᖃᕆᐊᖃᕐᒪᑦ, ᑭᓯᐊᓂ ᑕᒪᒃᑯᐊ ᓇᓗᓁᕐᓯᓐᖏᓚᑦ ᓯᓚᕐᔪᐊᑉ ᓇᒡᒐᑎᒃᓴᖓᓂᒃ.

ᐃᓅᖃᑎᒌᒡᔪᐊᑦ ᐅᓇᑕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᐊᓯᒥᖕᓄᑦ, ᐊᖓᔪᖅᑲᐅᕖᓪᓗ ᐊᖓᔪᖅᑲᐅᕕᖕᓄᑦ ᐊᓯᒥᖕᓄᑦ ᐅᓇᑕᖃᑦᑕᐅᑎᔪᒫᕆᕗᑦ, ᑳᖕᓇᕐᑐᕐᔪᐊᖃᕈᒫᕐᐳᖅ ᓇᓂᑐᐃᓐᓇᖅ ᓄᓇ ᓇᐅᒃᑯᑐᐃᓐᓇᖅ ᓴᔪᒃᐱᓗᖃᑦᑕᕈᒫᕐᐳᖅ. ᑕᒪᒃᑯᐊᓕ ᐊᕐᓇᐅᑉ ᐃᕐᓂᓱᓕᕐᑑᑉ ᐃᒃᐱᖕᓂᐊᓕᕐᓂᖓᑐᑦ ᑍᒤᑐᐃᓐᓇᕐᐳᑦ.

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᐊᒥᓱᑦ ᐅᕙᓐᓂᒃ ᐱᑦᔪᑎᖃᕐᓂᕋᕐᓗᑎᒃ ᑎᑭᑦᓱᒫᕐᒪᑕ, ᐅᖃᕐᓗᑎᒃ, ‘᙭ᔅᑑᓯᐅᕗᖓ,’ ᐅᓄᕐᑐᓂᒡᓗ ᑕᒻᒪᕐᑎᑦᓯᔪᒫᕐᐳᑦ.

“ᑭᖑᓂᖓᒍᑦ ᑎᒍᔭᐅᔪᒫᕐᐳᓯ ᑲᑉᐱᐊᓇᕐᑐᒦᑎᑕᐅᓗᓯ, ᑐᖁᑕᐅᓗᓯᓗ; ᐃᓅᖃᑎᒌᒡᔪᐊᓕᒫᓄᑦ ᐆᒥᒋᔭᐅᔪᒫᕐᐳᓯ ᐱᑦᔪᑎᒋᓗᖓ. ᑍᒤᑦᑐᒦᓕᕐᑎᓪᓗᓯ ᐊᒥᓱᑦ ᐅᒃᐱᕐᓂᕐᒥᒃ ᓴᐱᓕᕈᒫᕐᐳᑦ; ᐃᒻᒥᖕᓄᓪᓗ ᐱᔭᐅᒃᑲᖃᑦᑕᐅᑎᔪᒫᕐᐳᑦ, ᐃᒻᒥᖕᓄᑦ ᐆᒥᒋᖃᑦᑕᐅᑎᓕᕐᓗᑎᒃ. ᓇᓚᐅᑍᔪᓐᖑᐊᕐᑐᑦ ᓱᓕᖏᑦᑐᑦ ᓴᖅᑭᑦᓱᒫᕐᐳᖅ ᐅᓄᕐᑐᓪᓗ ᑕᒻᒪᕐᑎᑦᓱᒫᕐᐰᑦ.

ᔩᓱᓯᐅᑉ ᑭᐅᕔᑦ, “ᖃᐅᔨᓴᑦᓯᐊᖃᑦᑕᕆᑦᓯ, ᑕᒻᒪᕐᑎᑕᐅᖁᓇᓯ ᓇᓪᓕᐊᓐᓄᑦ.

ᑍᒤᒻᒪᑦ ᐃᓕᑦᓯᑦᑕᐅᖅ ᐅᐸᓗᖕᒊᕐᓯᒪᔪᒃᓴᐅᕗᓯ; ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐃᑲᕐᕋᒥ ᓂᕆᐅᒡᕕᒋᓐᖏᑕᑦᓯᓐᓂ.”

ᑍᒤᒻᒪᑦ ᖃᐅᔨᓴᑦᓯᐊᕆᑦᓯ, ᐊᑕᓂᑦᓯ ᑎᑭᕝᕕᒃᓴᖓ ᐅᓪᓗᖅ ᖃᐅᔨᒪᖏᓐᓇᑦᓯᐅᒃ.

“ᑭᓇᒥᒡᓘᓐᓃᑦ ᖃᐅᔨᒪᔪᖃᓐᖏᓚᖅ, ᓯᓚᕐᔫᑉ ᓇᒡᒐᑎᒃᓴᖓᑕ ᐅᓪᓗᖓᓂᒃ ᐃᑲᕐᕋᖓᓂᒡᓘᓐᓃᑦ; ᐂᖏᓖᑦ ᐊᒡᓛᑦ ᕿᓚᖕᒦᑦᑐᑦ ᖃᐅᔨᒪᖏᓐᓂᕗᑦ, ᐃᕐᓂᐅᓪᓘᓐᓃᑦ ᖃᐅᔨᒪᖏᓐᓂᕚ, ᐊᑖᑕᒪ ᑭᓯᒥ ᖃᐅᔨᒪᕚ.

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᐃᓅᑉ ᐃᕐᓂᖓᑕ ᑎᑭᕝᕕᒃᓴᖓ ᐊᑦᔨᖃᕈᒫᕐᐳᖅ, ᓄᐊ ᐃᓅᑎᓪᓗᒍ ᐱᐅᓯᕆᔭᐅᓚᐅᕐᑐᑎᑐᑦ. ᐅᓕᕕᒡᔪᐊᑉ ᓯᕗᓂᖓᒍᑦ ᐃᓄᐃᑦ ᓂᕆᓚᐅᕐᐳᑦ ᐃᒥᕐᓗᑎᒡᓗ, ᓄᓕᐊᓂᒃᐳᑦ ᐅᐃᓂᒡᓗᑎᒡᓗ, ᐅᓪᓗᖅ ᓄᐊᑉ ᐃᑎᕐᕕᐊ ᐅᒥᐊᕐᔪᐊᒧᑦ ᑎᑭᓪᓗᒍ; ᖃᐅᔨᒪᓚᐅᓐᖏᓚᑦ ᐅᓕᕕᒃᔪᐊᕐᒧᑦ ᑎᑭᑕᐅᖅᑳᕋᑎᒃ ᑕᒪᕐᒥᒡ ᓄᖑᑕᐅᓚᐅᕐᐳᑦ, ᑍᒤᑦᓱᒫᕆᕗᖅ ᐃᓅᑉ ᐃᕐᓂᖓᑕ ᑎᑭᕝᕕᒃᓴᖓᓂ.