Popular Bible Verses from ᔮᓱᐊᑉ ᐊᒡᓚᖏᑦ 1

Share

ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”

ᐅᑯᐊ ᐱᖁᔭᑦ ᖃᓂᒃᑯᑦ ᐅᖃᐅᓯᕆᔪᓐᓃᕐᑍᓕᒃᑭᑦ, ᐃᓱᒪᒃᓴᕐᓯᐅᕈᑎᒋᖃᑦᑕᒃᑭᑦ ᐅᓪᓗᑯᑦ ᐅᓐᓄᒃᑯᓪᓗ, ᓈᓚᑦᓯᐊᕐᓗᒋᓪᓗ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ, ᑍᒤᒃᑯᕕᑦ ᐊᖅᑯᑎᒋᔭᕐᓂ ᖃᓄᐃᓕᐅᕐᑕᓕᒫᕐᓂᓗ ᐱᕙᓪᓕᐊᑎᑦᓯᖃᑦᑕᕐᓂᐊᕐᐳᑎᑦ.

ᓲᖑᓂᖃᓕᕆᑦ ᓯᕘᕋᖏᑦᓯᐊᕐᓗᑎᓪᓗ, ᓈᓚᑦᓯᐊᓪᓗᑎᑦ ᐱᖁᔭᓐᓂᒃ ᒨᓯᓯᐅᑉ ᐱᔨᒪ ᑐᓂᓚᐅᕐᑕᖏᓐᓂᒃ ᐃᓕᖕᓄᑦ, ᑕᓕᕐᐱᒧᓪᓘᓐᓃᑦ, ᓴᐅᒥᒧᓪᓘᓐᓃᑦ ᓴᖑᑦᑍᓕᒋᑦ ᐱᔪᓐᓇᑦᓯᐊᖁᓪᓗᑎᑦ ᓇᒧᓐᖓᕐᓂᐊᕋᓗᐊᕈᕕᑦ.

ᔮᓱᐊ ᑭᓇᒧᓪᓘᓐᓃᑦ ᓵᓚᐅᓂᐊᓐᖏᓚᑎᑦ ᐃᓅᑎᓪᓗᑎᑦ ᓇᔪᐃᓐᓇᕐᓂᐊᕐᐸᒋᑦ ᑍᒫᑦᓮᓐᓇᖅ ᒨᓯᓯ ᓇᔪᓚᐅᕋᒃᑯ ᓇᔪᐃᓐᓇᕐᓂᐊᕐᐸᒋᑦ ᕿᒪᖕᓂᐊᕐᓇᒡᓗ.

ᓲᖑᓂᖃᓕᕆᑦ ᖁᓚᖏᓪᓗᑎᓪᓗ; ᓯᕗᓕᕐᑎᐅᓛᕋᕕᑦ ᐃᓄᖕᓄᑦ ᓄᓇᑖᓕᕐᑎᓪᓗᒋᑦ ᑕᒪᓐᓇ ᑍᒫᒃ ᓯᕗᓕᖏᓐᓄᑦ ᐊᖏᕈᑎᒋᓚᐅᕋᒃᑯ.

ᒨᓯᓯ ᐊᖏᕐᕕᒋᓚᐅᕋᒃᑯ ᐃᒫᒃ, ᑐᓂᔪᒫᕐᐸᒃᑲ ᐃᓄᖁᑎᒃᑲ ᓄᓇᒥᒃ ᐱᓱᒃᕕᒋᔭᖏᓐᓂᒃ.

ᐅᖃᕐᓗᓂ, “ᐱᔨᒐ ᒨᓯᓯ ᑐᖁᖕᒪᑦ ᐊᑐᐃᓐᓇᐅᓕᕆᑦ, ᐃᓴᕆᐊᓕᒥᐅᓄᑦ ᔪᐊᕐᑕᓂᐅᑉ ᑰᖓ ᐃᑳᕐᓗᒍ ᓄᓇᒧᑦ ᑐᓂᓯᒪᔭᓐᓄᑦ ᑖᒃᑯᓄᖓ ᐃᓴᕆᐊᓕᒥᐅᓄᑦ.

ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᖁᓂᖓᑕ ᑭᖑᓂᐊᒍᑦ, ᐊᑕᓂᖅ ᐅᖃᕐᐳᖅ ᒨᓯᓯᐅᑉ ᐃᑲᔪᕐᑎᖓᓄᑦ, ᔮᓱᐊᒧᑦ ᓈᓂᐅᑉ ᐃᕐᓂᖓᓄᑦ.

ᓄᓇᖁᑎᓯ ᑭᒡᓕᖓ ᐃᓱᖃᕈᒫᕐᐳᖅ ᓕᐸᓇᓂᒥᑦ ᐃᓄᖃᔪᐃᑦᑐᒧᑦ ᑰᖕᒧᑦ ᑎᑭᓪᓗᒍ ᑍᔭᐅᔪᒧᑦ ᐃᕗᕅᑎᒧᑦ, ᕼᐃᑍᑎᐅᓪᓗ ᓄᓇᓕᒫᖓᓂᑦ ᐃᒪᕐᔪᐊᒧᑦ ᑎᑭᓪᓗᒍ.

ᓇᓪᓕᐊᑦ ᐃᓕᖕᓂᒃ ᐊᑭᕋᕐᑐᕐᑐᑦ ᓈᓚᖏᑦᑐᓪᓘᓐᓃᑦ ᐅᖃᐅᓯᕐᓂᒃ ᑎᓕᓯᑎᓪᓗᑎᑦ, ᑖᓐᓇ ᑐᖁᑕᒃᓴᐅᕗᖅ. ᓲᖑᓂᖃᕐᓯᐊᕆᑦ ᓴᐱᖏᓪᓗᑎᓪᓗ.”

“ᐃᓄᐃᑦ ᑕᖕᒫᕐᓯᒪᔪᑦ ᐅᖃᐅᑎᓯᐅᒃ, ‘ᓂᕿᓂᒃ ᐊᑐᐃᓐᓇᕈᐃᒋᑦᓯ, ᐅᓪᓗᐃᑦ ᐱᖓᓱᑦ ᓈᒃᐸᑕ ᐃᑳᕐᓂᐊᕋᑦᓯ ᔪᐊᕐᑕᓂᐅᑉ ᑰᖓᒍᑦ ᓄᓇᓗ ᓄᓇᑖᕆᓗᒍ, ᐊᑕᓂᐅᑉ ᒎᑎᕕᑦ ᑐᓂᓯᒪᔭᖓ ᐃᓕᑦᓯᓐᓄᑦ.’”