Popular Bible Verses from ᐂᓮᐊᓯᐅᑉ ᐊᒡᓚᖏᑦ 6

Share

ᐊᑕᓂᕐᓗ ᐅᖃᕐᑐᖅ ᑐᓴᕐᐸᕋ, “ᑭᓇᒥᒃ ᑎᓕᓯᓂᐊᕐᐳᖓ, ᐱᔪᖃᓛᕐᑐᒥᒃ ᐅᖃᕐᑎᒋᓂᐊᕐᑕᑦᑎᓐᓂᒃ?” ᑕᕝᕙ ᐅᖃᕐᐳᖓ, “ᐅᕝᕙᐅᕗᖓ! ᑎᓕᓚᐅᓐᖓ.”

ᑖᒃᑯᐊᓗ ᐃᒻᒥᖕᓄᑦ ᕾᒐᓛᖃᑦᑕᐅᑎᕗᑦ: “ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ! ᐱᓐᓇᕐᓇᕐᓂᕐᔪᐊᖓ ᑕᑍᓯᒪᕗᖅ ᓄᓇᕐᔪᐊᕐᒥᒃ!”

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᐊᕐᕌᒍᒥ ᐊᖓᔪᖅᑳᕐᔪᐊᑉ ᐅᓮᐊᐅᑉ ᑐᖁᕝᕕᐊᓂ, ᐊᑕᓂᖅ ᑕᑯᓚᐅᕐᐸᕋ ᐃᒃᓯᕙᐅᑕᕐᔪᐊᖕᒥᓂ ᐃᒃᓯᕙᔪᖅ, ᖁᑦᓯᒃᑐᒥ ᐳᕐᑐᔪᒥᓗ, ᐊᓐᓄᕌᖓᑕᓗ ᐅᓕᒡᔪᐊᖓᑕ ᑐᒃᓯᐊᕐᕕᒡᔪᐊᑉ ᐃᓗᐊ ᓈᓯᒪᕚ.

ᖃᓂᕋᓗ ᐊᐅᒪᒧᑦ ᐊᒃᑐᕐᓗᒍ ᐅᖃᕐᐳᖅ, “ᑕᑯᒋᑦ, ᐆᒪ ᖃᓃᑦ ᐊᒃᑐᕐᒪᒍ; ᐊᔪᕐᑐᓕᓂᑎᑦ ᐲᕐᑕᐅᕗᑦ, ᐊᔪᕐᓂᑎᓪᓗ ᐃᓱᒪᒋᔪᓐᓁᕐᑕᐅᕗᑦ.”

ᓯᕌᕖᓪᓗ ᖁᓛᓃᑉᐳᑦ ᐊᑐᓂᑦ ᐱᖓᓲᔪᕐᑐᓂᒃ ᐃᓴᕈᖃᕐᓗᑎᒃ; ᐃᓴᕈᖏᑦ ᒪᕐᕉᒃ ᑮᓇᕐᒥᖕᓂᒃ ᒪᑐᓯᓯᒪᑦᔪᑎᒋᕚᒃ, ᒪᕐᕉᒃᑕᐅᖅ ᐃᓴᕈᖏᒃ ᐃᑎᒐᖏᓐᓂᒃ ᐅᓕᒃᓯᓯᒪᓪᓗᑎᒃ, ᒪᕐᕉᒃᑕᐅᖅ ᖃᖓᑕᑦᔪᑎᒋᓪᓗᒋᒃ.

ᓯᕌᕖᓪᓗ ᐃᓚᖓᑦᑕ ᖃᖓᑕᓪᓗᓂ ᐅᐸᒃᐹᖓ, ᑎᒍᒥᐊᕈᑏᖕᓄᑦ ᕿᔪᒃᓴᒥᒃ ᐊᐅᒪᒥᒃ ᑎᒍᒥᐊᕐᓗᓂ ᑎᒍᒥᐊᕈᑏᖕᓄᑦ ᑐᓂᕐᕈᓯᕐᕕᖕᒥᑦ ᑎᒍᔭᒥᓂᒃ.

ᐅᖃᐅᑎᕚᖓᓗ, “ᐂᓕᕆᑦ, ᐃᓄᐃᓪᓗ ᐅᑯᐊ ᐅᖃᐅᑎᒃᑭᑦ, ‘ᑐᓵᖃᑦᑕᕋᓗᐊᕐᓗᓯ, ᑐᑭᓯᓂᐊᓐᖏᓚᓯ; ᑕᑯᖃᑦᑕᕋᓗᐊᕈᑦᓯ, ᑐᑭᓯᔪᓐᓇᕐᓂᐊᓐᖏᓚᓯ.’”

ᐅᖃᐅᑎᒋᕚᖓᓗ, “ᐃᓄᐃᑦ ᐅᑯᐊ ᐆᒻᒪᑎᖏᑦ ᑐᑭᓯᔪᓐᓁᓪᓕᑎᒃᑭᑦ, ᓯᐅᑎᖏᓪᓗ ᑐᓵᔪᓐᓃᕐᑎᓪᓗᒋᑦ, ᐃᔨᖏᑦ ᑕᐅᑐᖁᓇᒋᑦ; ᑕᑯᑐᐃᓐᓇᕆᐊᖃᕐᒪᑕ ᐃᔨᒥᖕᓄᑦ, ᓯᐅᑎᒥᖕᓄᓪᓗ ᑐᓴᑐᐃᓐᓇᕆᐊᖃᕐᒪᑕ, ᐆᒻᒪᑎᒥᖕᓄᓪᓗ ᑐᑭᓯᑐᐃᓐᓇᕆᐊᖃᕐᒪᑕ, ᓵᒋᐊᕐᓗᑎᒡᓗ, ᐋᖅᑭᒃᑕᐅᑐᐃᓐᓇᕆᐊᖃᕐᒪᑕ.”