Popular Bible Verses from ᐂᓮᐊᓯᐅᑉ ᐊᒡᓚᖏᑦ 55

Share

ᐃᓱᒪᒃᑲ ᐃᓱᒪᒋᔭᑦᓯ ᐊᑦᔨᒋᓐᖏᒻᒪᒋᑦ, ᐱᓂᐊᕐᓂᓯᓗ ᐱᓂᐊᕐᓂᕐᒪ ᐊᑦᔨᒋᖏᑦᓯᐊᕐᓗᓂᒋᑦ. ᐊᑕᓂᖅ ᐅᖃᕐᐳᖅ.

ᕿᓚᒃ ᖁᑦᓯᖕᓂᕐᓴᐅᖕᒪᑦ ᓄᓇᒥᑦ, ᑍᒫᒃᑕᐅᖅ ᐱᓂᐊᕐᓂᒃᑲ ᖁᑦᓯᖕᓂᕐᓴᐅᒋᕗᑦ ᐱᓂᐊᕐᓂᑦᓯᓐᓂᑦ, ᐃᓱᒪᒋᔭᒃᑲᓗ ᖁᑦᓯᖕᓂᕐᓴᐅᒋᓪᓗᑎᒃ ᐃᓱᒪᒋᔭᑦᓯᓐᓂᑦ.

ᐊᑕᓂᖅ ᕿᓂᓕᕐᓯᐅᒃ ᓇᓂᔭᐅᔪᓐᓇᕐᓂᖓᓂ, ᓂᓪᓕᐊᕕᒋᓗᒍᓗ ᖃᓂᓐᓂᖓᓂ.

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

“ᐊᑏ ᐃᒥᕈᒃᑐᓕᒫᑦ, ᐃᒪᖃᕐᑐᒧᑦ ᕾᓕᕐᓕᑦ; ᑮᓇᐅᔭᖃᖏᑦᑐᓪᓗ, ᕾᓕᕐᓕᑦ, ᓂᐅᕕᕐᓗᑎᒃ ᓂᕆᓕᕐᓕᑦ! ᕾᓗᓯ ᓂᐅᕕᓕᕆᑦᓯ ᕔᓂᒥᒃ ᐃᒻᒧᖕᒥᒡᓗ ᑮᓇᐅᔮᓄᖏᑦᑐᖅ ᐊᑭᖃᖏᑦᑐᓂᒡᓕ.

ᕿᓚᖕᒥᑦ ᓯᓚᓗᒃᐸᖕᒪᑦ ᖃᓐᓂᕐᐸᒃᓗᓂᓗ ᓄᓇᒧᑦ, ᐅᑎᕐᐸᒐᑎᒡᓗ ᑕᑉᐸᐅᖓ, ᓄᓇᒥᒡᓕ ᖃᐅᓯᓕᕐᑎᑦᓯᖃᑦᑕᕐᐳᑦ, ᐱᕈᕐᑐᒃᓴᓂᒡᓗ ᐱᕈᕐᑎᑦᓯᕙᒡᓗᑎᒃ, ᑲᓐᖓᕐᓱᐃᔨᓂᒃ ᐱᕈᕐᑐᒃᓴᖃᕐᑎᑦᓯᒃᑲᓐᓂᕐᓗᑎᒃ ᓂᕿᖃᕆᐊᓖᓪᓗ ᓂᕆᔭᒃᓴᖃᕐᑎᓪᓗᒋᑦ. ᑍᒫᒃᑕᐅᖅ ᐅᖃᐅᓯᒃᑲ ᖃᓂᓐᓂᑦ ᐊᓂᔪᑦ: ᐅᕙᓐᓄᑦ ᐊᑐᖏᓪᓗᑎᒃ ᐅᑎᑐᐃᓐᓇᕐᓂᐊᓐᖏᓚᑦ, ᐱᔪᒪᔭᓐᓂᒡᓕ ᐱᔭᕇᕐᓯᓂᐊᕐᐳᑦ, ᐊᔪᕈᓐᓃᕐᑎᑦᓯᓪᓗᑎᒡᓗ ᐅᖃᕐᕕᒋᔭᓐᓂᒃ ᑎᓕᓯᕕᒋᔭᓐᓄᑦ.

ᖁᕕᐊᓱᒡᓗᓯ ᐊᓂᓕᕈᒫᕐᐳᓯ, ᑕᓯᐅᕐᑕᐅᓗᓯᓗ ᓮᒪᓂᕐᒧᑦ; ᖃᖅᑳᓗᐃᑦ ᐱᖑᐃᓪᓗ ᐃᓐᖏᕐᓯᔪᒫᕐᐳᑦ ᓵᑦᓯᓐᓂ, ᓇᐹᕐᑐᐃᓪᓗ ᐸᑦᑕᒃᑐᕈᒫᕐᐳᑦ.

ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.