Popular Bible Verses from Matiye 24

Share

Hɛn ɓɛɛ de naaa aʼvin, náa ve duʼza̧a̧ hi̧i̧zin von de ka̧a̧sii. Ɛn há̧a̧ oò dii za̧a̧za̧a̧ gbɔ yɛɛ si̧ʼtumba nɔ, de sɔ̌raa.

Vey fee moò za̧a̧ Go̧o̧ge o gbɛ̧ɛ̧re nɔ hɛkpa tɛɛ sɛw tɛʼ, náa gaan Go̧o̧ge yɛ nɔ vɛ tɛʼ doò ve kììrɛ. Ɛnɔ hɛk si̧ʼtummɔ de gbɔy yàa ze.

Vo yaa kií seè moò verɛ, ke ɛtɛɛ, ha̧a̧ ke yɛɛ yəəte; dòo do kɔ vo sɛ: Hɛn ɛnɔ de gbɔ̌y doʼ, ɛn hɛk si̧ʼtum oy kere yɛ.

Zik zɔʼ de wa̧a̧ringaa zik zɔʼɔ, ɛn gbɛ̧ɛ̧ yɛɛ zɔʼ de wa̧a̧ringaa gbɛ̧ɛ̧ yɛɛ zɔʼɔ; Hɛk yɛɛ duʼza̧a̧ gɔ̧ll de yaay ɛn hɛt de namma yɛɛ kətkət. Hɛn ɛnɔ ve tɛʼ de bi̧i̧ too kep pə̧ə̧ kûk ak de hȩȩkpa ka wɔɔzi nɔm.

Bɛltiì vere hɛt vey tɛ̂kkaa, ɛn yak moot min ve tɛ̂kin yɛ.››

Ɛnɔ há̧a̧ ve duʼza̧a̧ vey yaay ii nii ba. Vey fee: “Mi kiris yɔ!” Ɛn vey sɔɔra náa ve duʼza̧a̧.

Ɛnɔ há̧a̧ vey he vora doò ve ɗeʼen vorɛ vey kə vɔ̌t voraa. Zikkɔ ve tɛʼ vey ɓɛɛ vora ii moòre. Yo̧o̧n ɛnɔ náa ve duʼza̧a̧ vey gbəlla si̧i̧ tu̧u̧rɛ; vey a̧a̧zinna bǔlla vey kə ɓɛɛzinnaa ii moòre. Náa yaʼyɛɛ və̧ə̧k ak ve duʼza̧a̧ ve yaa sɔɔra náa ve duʼza̧a̧.

Yeesu hi̧i̧t vo: «Vo laa wɔɔk von nɛ! Há̧a̧ ka yaa sɔɔ vora sɛ!

Moò an oy, vo sɛw vo gakkɛ, ɛnɔ Há̧a̧ Tân an de kə̌y yo̧o̧ tân vo gaanɛ tin nɔ oppo.

Vo kan vo zà̧à̧ nɔtta, ɛnɔ vo gaan yo̧o̧ gbɛ̧ɛ̧ kɛŋ von de kə̌y tin nɔ yɛ.

Ɛnɔ, há̧a̧ de gaana yo̧o̧n kěy gbɔ̌y yɛtugɛrɛ nɔ yɛ, de gaana yó̧o̧ tân hɛn ɛnɔ de gbɔ̌y tin nɔ yɛ, ke Go̧o̧ge Zə̧ə̧̀ an bɛlba nɔ vey, ɛnTân nɔ sɛw, ɛn Baa o gaa yɔ zaʼ.

Ɛnuu, Kiris və̧ə̧k akkɔ vɛ vere yaʼyɛɛ və̧ə̧k akkɔ vɛ vey yaǎy. Vey kɔra hɛn yɔ̧fit aʼ nɔ vɛ vere hɛn yellɔ vey, oò ve hakkɛ nɔ ka ve sɔɔrin náa Go̧o̧ge wɛɛ vo nɔ vey.

Hɛn zɛ̀ɛ̀ daa Nɔye o vɛlba nɔ, yo̧o̧n Há̧a̧ Tân an de kə̌y tin nɔ de daa too ɛnɔm vin sɛw. Ɛnuu, vɛlin maam pɔll aʼ bɔk yaana dee yɛ nɔ oppo, náa bɔk vey lɛraa vey zɔraa, vey ɓasinnaa ongɛɛ bɔk vey yaʼa sâm kep von ve wiire gbɔ yo̧o̧n Nɔye dɔ Arkəre tin nɔ oppo. Ve gaan hɛn zɔʼ yɛ gbɔ yo̧o̧n maam pɔll yaa pɔ̌t vorɛ tɛʼ. Yo̧o̧n Há̧a̧ Tân an de kə̌y tin nɔ de daa too ɛnɔm vin.