Popular Bible Verses from Uluk 12

Share

Men ọ ma nde le ma kam likọye mi Unwaa undi-gye, mi ba ba he kunyọng ahwu ma ndọ lishi ye a.”

Ukpọ ma shun kiteng kusu kima, ma u kung biwọm abin puu ka amen.”

A kung de bendi abe be sho ha le, “Ma baa kuhwo-men le he ashi abung-ale biwọm bendi. Undi u kwa le likpan ligyang angyel le gbe u yi le biwọm gbam a ye, ma u mbu kingbeb na ana ọ.”

He kiteng ashi bingbeb bimen bi yi, ha na atyam amen a kwu titi.”

Ayang u nya zi igye gbe-gyọng ati ama, le gbe u waa ufung?

Ujeso a kung de bendi-utung bema le, “Ashin na ki yi atan-lengi angwu mi de men le ufung u be men gbe le lizi angi ma zi kwu bewum, nyọng gbe le inditen angi ma shi inyia-hwo imen ye.

Unim a bo ngye kugii igil he lishi limen ken-ken-ken. Ma shi shel ye. Undi-gye ken u yi Unim he kukpo hwo lipelpel gbam.”

“Inwaa itia, ma shel ye, ki kee ha atyamen le u kung kiteng kusu kima ke men.

Ma nde linyun, li kwan utia, nyọng li fem kiwọm ye, li yi le libel ye. Ma na ọ, Unim na u kwob angi, ki shi le men ma yi he kukpo hwo linyun ibwan-ibwan.

Ma shi waa ufung gbe le ashi ma zi le ashi ma ngwo ye.

Unim na u bwee abia idem. Abia angi a hwaa ashia kunyin, tete kuhwo a fel angi be ting angi shi kinde ọ, u bwee angi teng-teng le men a? Men abe ma yi le inwaa abọng-ale.

Kiwọm kiyang-yang ashi be nyia shi, ki ba fem he igye. Kiwọm kiyang-yang ashi ki yi he kundyel, bendi be ba ngya ashi.