Popular Bible Verses from Ujọn 15

Share

“Mi yi ubim Uvine, men ma shi na ibubu igi. Undi uyang-yang angwu a ngyọ gwaa ha ami kpebaa, angwu mi ọ mi yi gwaa he ahe kpebaa, u kwa na ububu angwu u wum shal-shal-shal na. Ukpọ gbe men ma tang le ha ami, ki yi le ashi ma tem shi mbee ye.

Ma ngyọ gwaa ha ami kpebaa, mi ọ mi ngyọ gwaa ha amen kpebaa. Ububu Uvine ufe-ufe u wum agbe ye, u kee-kee wum agbe, gbe u yi gwaa ha ubim uma a. Kitaa kimen na men ọ, gbe ma ngyọ gwaa ha ami ye, ma kwu le lifem ye.

Ukpọ, gbe ma ngyọ gwaa ha ami kpebaa, igie igi i ngyọ kwu ha amen atyam, ma bii Atyagi kiwọm kiyang-yang ashi ma kee, u ka amen ashi.

Men na ma waa mi le mi kwu atyamen ye, mi na mi waa amen le ma kwu bebwaa-kisọm begi. Mi mbee sọm amen le ma le wum agbe, agbe angi a kwu ngyọ igye. He ashin, kiwọm kiyang-yang ashi ma bii he lizen Atyagi, u sha ashi ka amen.

Benyin abe be dyam hwo puu na be yi le undi u hwo he kuhwo udimma.

Ububu ugi uyang-yang angwu a wum agbe ye, u tang he tyang le hel. Angwu u wum, u kam he he u fel wum kaang.

Uten angwu mi ndu ke men u yi le, ki nyin amen le bende na ki nyin imi le men.

Gbe ma shi binunung mbee kunyọng, ha ma sha bendi be fem Atyagi. Kitaa i na ma tyung bendi gboo le ma yi bendi-utung begi a.

Ujeso a mbee de bendi-utung bema le, “Mi na mi yi ubim ukwan uvine ugyang angwel, Atyagi u shi undi angwu u nde gbe le he.

Undi uyang-yang angwu a tang le ha ami, Unim u tem sha le he kiwọm ye, nya ana ububu angwu be tang tyang le hel, u hwo a. Be gbọng ibubu angi kitaa i fa he kinde, i shi dim bel atyung.

Mi de men ashin le he men ma kwu le kitaa igọ angi mi yi le ngi, le he igọ imen i sho yilididi.

Gbe ma shi abi mi de men, ha ma ngyọ kwa he benyin begi, nya ana mi shi biwọm abi Atyagi a de-m, mi ngyọ kwu he benyin bema i.

Ashin na ki shi-m mi ke men uten le ki nyin amen le bende.”

Ma kwu ke igye anyin a, hang ki nyin abe be yi ke igye i le men, likọye ma yi bendi bebel a. Ukpọ mi waa kung amen, mi tang amen he abwo le ha abe, ma tem yi ke igye anyin a ye. Ashina na ki shi bendi abe be yi ke igye i be fel tel amen.