Popular Bible Verses from Ujọn 10

Share

Uzi u kee-kee ba le he u zi kung biwọm, u gwu bendi, u ban biwọm a. Ukpọ mi ufe, mi be le he bendi be kwu le likpan ligyang angyel angi li ngyọ igye, be kwu le ngi sho yilididi.

“Mi yi na undi angwu u kam itia ngbeb-ngbeb. Undi angwu u kam itia ngbeb-ngbeb u bọng lihwu he kuhwo itia.

Itia igi i shob igie igi, mi ngye ngi, i pwọm mi.

Mi ka angi likpan ligyang angyel angi li yi ngyọ igye, be ha tem ndu hwa ye, ki shi le undi angwu u kpe kung abe le ha ami mbee ye.

Mi na mi yi na ungwu-lishi. Undi uyang-yang angwu a gbe ha ami a, u kwa le likpan kunyọng. U tan gya he afee tan ba he igye kitaa a kee, u nda abia angi a yi akwun-akwun za.

“Mi yi undi angwu u kam itia ngbeb-ngbeb a, mi ngye itia igi, ife i ngye-m

Atyagi na a kung abe fe-m he kubwo, ufe a dyam hwo puu. He ashin, ki yi le undi angwu u kpe kung abe le he kubwo Atyagi mbee ye. Mi le Atyagi li yi ken.”

nya ana Atyagi a ngye-m, mi ngye-e. Mi kam le mi hwa he kuhwo angi.

Ki yi le undi u fel kwa-m he ikeb a kpa kung likpan ligi ye. Migyang na mi bọng le mi hwa. Gbe mi kee le mi hwa, mi hwa, gbe mi kee le mi tem wum, mi tem wum. Ashin na Atyagi a de-m le mi shi.”

He ashina Ujeso a de be le, “Mi da amen kigyang a le mi na mi yi na ungwu-lishi kipo itia.

Undi angwu be hwaa ihwaa, u yi undi angwu u kam itia a ye, itia imen ana i shi ima a ye. Gbe undi angwu kitaa i a nde kutang ku be le hel, u buu tyang angi. Kutang ku be kwu itia zi, angi i teng i paa he abwo.

Ujeso a de le, “Mi da amen Iferesis kigyang a le, undi uyang-yang angwu a kee le u ngwee he kipo itia, gbe a gbe he ungwu-lishi a gye ha afee ye, a bel gbe he kiteng kisuso a gye ha, ha u yi uzi kọlọ-kpokpo a.