Popular Bible Verses from Mak 5

Share

Ndien Jisọs asian enye ete, “Eyen añwan, mbuọtidem fo amanam fi okop nsọñidem, nyọñ ke emem, ñnyuñ bọ edikọk.”

Ke otu mme owo oro, ñwan kiet ama odu emi ọkọdọñọde udọñọ uwọrọ iyip, ke ñkpọ nte isua duopeba. Enye ama ọbọ ndutuhọ ke ediwak isua ke ubọk mme mbiaibọk, onyuñ akabade edi ubuene ke ntak edibiat ediwak okuk nnọ mmọ, edi ikọfọnke ye enye, utu ke oro eketetim ọdiọk.

Ndien kpa ke idaha oro, akpaifet emi enye okotukde Enye ọfọñidem, uwọrọ iyip esie ama etre, ndien enye ama ọdiọñọ ete ke idem imọ ọsọñ.

Enye ama omum enye ke ubọk onyuñ ọdọhọ ete. “Talita, Kumi,” (emi ọwọrọde ete, “Ekpri eyen añwan ndọhọ fi nte dahada ke enyọñ”).

Nte Enye okosuk akade iso nditiñ ikọ ye enye, isuñutom ama oto ufọk Jairọs edisim ye etop ete ke mmọ ema ebiat ini ekaha ke eyen esie añwan ama akpa ndien inyeneke ntak ndomokiet emi Jisọs akpasañade ye enye aka ufọk esie idaha oro aba. Edi Jisọs ikikereke ibaña se mmọ eketiñde, edi ama ọdọhọ Jairọs ete, “Kufehe ndik. Kam nim ke akpanikọ.”

Enye eketiñ emi koro Jisọs ọkọdọhọde enye ete, “wọrọ enye ke idem afo idiọk spirit.” Jisọs ama obup enye ete, “Afo ekere didie?” Ndien owo oro ama ọbọrọ ete, “Udim” koro ediwak ñnyin isinede owo emi ke idem.