Popular Bible Verses from Mak 10

Share

Koro Eyen Owo ke idem Esie ikedighe man enam ñkpọ enọ Enye, edi man anam ñkpọ ọnọ mmọ efen, ọnọ uwem Esie ndifak kpukpru owo.”

Jisọs ama owuk enyin ese mmọ suñ-ñ ọdọhọ mmọ ete, “Ye owo, emi edi ata ọkpọsọñ ñkpọ, edi idighe ntre ye Abasi. Ye Abasi, kpukpru ñkpọ edi mmem mmem.”

Ndien Jisọs ama ọdọhọ enye ete, “ọfọn yak osu ọnọ fi, mbuọtidem fo amanyaña fi.” Ndien ke ndo ndo oro, owo nnan oro ama okut usuñ, ndien enye ama etiene Jisọs.

Ndien baba owo ndomokiet okudiañade se Abasi ama akadian.”

Jisọs ama owuk enyin ese enye onyuñ enyene ima abaña enye, ndien ọdọhọ enye ete, “ñkpọ kiet anana fi. Ka kanyam kpukpru inyene fo nyuñ nọ mme ubuene okuk oro ndien afo eyenyene inyene ke Obio Ubọñ Abasi ndien di disaña ye Ami.”

Jisọs ama obup enye ete, “Afo oyom Mi nam nso nnọ fi?” Owo nnan oro ama ọbọrọ ete, “Andikpep ñyom ndikut usuñ!”

Edi ke otu mbufo, idighe ntre. Owo ekededi emi oyomde ndikara ke otu mbufo enyene ndidi asañautom mbufo.

Ke ofuri akpanikọ ke ndọhọ mbufo, nte owo ekededi emi esinde ndibọ Obio Ubọñ Abasi nte ekpri eyen, ididukke ke esit.”

Ediwak mmọ emi edide akpa idahaemi, eyedi akpatre, ndien mme akpatre eyedi akpa.”

Edi toto ke editọñọ, ke ini emi Abasi okobotde ñkpọ, Enye ama obot mmọ eren ye ñwan. Anam ke ntak emi, eren owo eyekpọñ ete ye eka esie, onyuñ akadiana ye ñwan esie. Ndien mmọ mbiba eyekabade edi obuk kiet, idighe aba owo iba, edi akabade edi kiet kpọt.