Popular Bible Verses from Matiu 5

Share

Owo inyuñ idomoke utueneikañ ida abañ ifuk; edi edori enye ke enyọñ ñkpọ udori utueneikañ ke ebiet emi enye ayamade ọnọ kpukpru owo ke ufọk. Eyak uñwana mbufo ayama ke iso mme owo man mmọ ekut nti utom mbufo, enyuñ enọ Ete mbufo emi odude ke enyọñ ubọñ.

Mbufo edi uñwana ererimbot. Obio emi ebọpde ke enyọñ obot, ikemeke ndidibe.

Ọfọfọn ọnọ mmọ emi esit mmọ asanade, koro mmọ eyekut Abasi

Ọfọfọn ọnọ mmọ emi ekopde biọñ ye nsatitọñ kabaña edinen ido, koro edinamde mmọ eyuhọ

Edi Ami ndọhọ mbufo nte, ema mme asua mbufo, enyuñ ebọñ akam ebaña mmọ emi ekọbọde mbufo

“Ọfọfọn ọnọ mmọ emi edide ubuene ke spirit, koro Obio Ubọñ Abasi enyenede mmọ

Ọfọfọn ọnọ mme anam emem, koro eyekot mmọ nditọ Abasi

Ọfọfọn ọnọ mmọ emi efuhọde, koro edidọñde mmọ esit

Ọfọfọn ọnọ mmọ oro ekọbọde mmọ ke ntak eti edu uwem, koro Obio Ubọñ Abasi enyenede mmọ.

Ọfọfọn ọnọ mmọ emi etuade owo mbọm, koro eyetua mmọ mbọm

Ọfọfọn ọnọ mbufo, ke ini mme owo esabarede, enyuñ ekọbọde mbufo, enyuñ etiñ mme nsionsio ndiọi ikọ ebaña mbufo ke nsu ke ntak Mi. Enem esit, enyuñ edara eti eti, koro utib mbufo okponde ke enyọñ, koro kpa ntem ke mme owo ekekọbọ mme Asiak Uduak Abasi emi ekebemde mbufo iso.

Ọfọfọn ọnọ mmọ emi enyenede ifure ifure ido, koro mmọ edidade isọñ inyene

Mbufo edi inuñ enọ ererimbot. Edi edieke inuñ minyeneke aba inem, edida nso inam enye enyene inem? Enye ifọnke ke baba ñkpọ kiet, ke ebede nditop enye nduọk, ndien mme owo edighi ke ukot.

Mbufo ndien enyene ndifọn mma, kpa nte Ete mbufo ke enyọñ ọfọnde ama.”

Edi, eyak ikọ mbufo edi Ih mme Ih Ih koro se ibede oro oto andidiọk.

Mbufo ema ekop ekedọhọde ete, Enyin ke enyin, ye edet ke edet. Edi Ami ndọhọ mbufo nte, ekuñwana ye anam idiọk. Edi owo ekededi ama amia fi ke mfuk nnasia, wọñọde mfuk eken nọ enye ñko

Ke ntre, edieke enyin fo, ekpedi enyin ubọk nnasia fo, anam fi anam idiọkñkpọ, tibi enye sio duọk, koro ọfọn ubak idem fo kiet nditak ñkan ndimen fi ofuri ofuri ntop nsin ke ikañ ndutuhọ (hell). Ñko edieke ubọk fo, ekpedi ubọk nnasia fo esin fi anam idiọkñkpọ, sibe enye duọk, koro ọfọn nte ubak idem fo kiet atakde, akan ndisin ofuri idem fo ke ikañ itie ndutuhọ.