Popular Bible Verses from Matiu 18

Share

Koro ebiet ekededi emi owo iba, mme ita esobode, ke enyiñ Mi, Ami ñyedu ke otu mmọ.”

“Ami ntọñọ ntak ntiñ emi nnọ mbufo nte, edieke mbufo owo iba ke isọñ enyenede iwuk ebaña ñkpọ kiet ekededi emi mbufo ebeñede Ete Mi emi odude ke enyọñ, eyenam ñkpọ oro ọnọ mbufo.

Jisọs ama okot ekpri eyenọwọñ onyuñ anam enye ada ke ufọt mmọ. Onyuñ ọdọhọ ete, “Kakpan, ke ndọhọ mbufo nte, ibọhọke mbufo ekabade, enyuñ etie nte ñkpri nditọ, mbufo ididukke Obio Ubọñ Abasi.

Ke ntre, owo ekededi emi ọsuhọrede idem esie, etie nte ekpri eyenọwọñ emi, kpa enye okpon akan ke Obio Ubọñ Abasi.

Ndien owo ekededi emi edidarade ekpri eyenọwọñ kiet nte enyemi ke enyiñ Mi, adara Mi.”

Ami ntiñ akpanikọ nnọ mbufo nte, sededi emi mbufo ebọpde ke isọñ kpa ntre ke edibọp ke enyọñ, ndien sededi emi mbufo etatde ke isọñ, kpa ntre ke editat ke enyọñ.

Kpasuk ntre ke Ete Mi emi odude ke enyọñ edinam ye mbufo edieke mbufo esinde ke akpanikọ ndidahado nnọ nditọ ete mbufo ke ndudue mmọ ke ofuri esit.

“Edi, edieke owo ndomokiet anamde kiet ke otu ñkpri nditọ emi ebuọtde idem ye Ami ọduọk mbuọtidem esie ke idem mi, ọkpọfọn ye enye akan edieke ekpedade akwa itiat etebe enye ke itọñ, ndien emen enye etop esin ke udem inyañ.

“Mbufo ekere ise? Edieke owo enyenede erọñ ikie ndien kiet oyo, onyuñ osop, nte enye idikpọñke anañ ye efutenañ eken ke enyọñ obot ndikoyom enye emi osopde?