Popular Bible Verses from Luk 8

Share

Edi eti isọñ oro ada ọnọ mme anam akpanikọ, mme enyene eti esit. Mmọ ekpañ utọñ enọ ikọ Abasi ndien emum ekama enyuñ esuan mmọ suñ suñ tutu mmọ emi ekopde enim ke akpanikọ.”

Mme ñkpasip emi ekeduọñọde ke ikọt ñkukim eda enọ mmọ oro ekpañde utọñ ekop, enyuñ enim ikọ Abasi ke akpanikọ, edi ekem mbuọtidem akpa oto ke ntak inyene, udọñitọñ ererimbot ye mme ñkpọ efen emi enọde inemesit uwem emi.

Mme mmọ oro ke isọñ itiat eda enọ mmọ emi edarade ndikpañ utọñ ñkop ikọ Abasi, edi nte edide, ndusuk ini etop ikọ oro itimke iduk mmọ esit, inyuñ isinke ọkpọsọñ oruñ man ọkọri. Mmọ ediọñọ ete ke etop ikọ oro edi akpanikọ, enyuñ eñwana ndinim enye ke akpanikọ ke ñkpọ nte esisit ini. Edi ke adañaemi ọkpọsọñ oyobio uwem ama ọtọñọ ndifume, mmọ etọñọ ndifiak edem.

Enye ama obup mme mbet Esie ete, “Enye mbuọtidem mbufo-o?” Ke ndik ye ñkpaidem mmọ ebup kiet eken ete, “Anie edi owo emi? Enye owuk mme ofum ye mmọñ, ndien mmọ esuk ibuot enọ Enye, enyuñ ekop uyo Esie.”

Edi isọñ ọkpọusuñ oro emi ndusuk ñkpasip ekeduọñọde ada ọnọ mme esit emi ekopde ikọ Abasi, edi ke adañaemi idiọk owo oro (akama idomo) edide, enye eyip mme ikọ oro osioño ke esit owo, onyuñ akpan mme owo ndinim ke akpanikọ ñnyuñ mbọ edinyaña.

Koro baba ñkpọ ndomokiet emi edipde emi midiyarakede iduhọ, mme se efukde emi owo midiọñọke midinyuñ isioho iwut añwa añwa.

Edi ke ini ñwan oro okutde ete imọ ikemeke ndidibe, enye ama ọwọrọ edi, ke ñnyekidem, ediduọ Jisọs ke ukot, onyuñ etiñ ke iso kpukpru owo ntak emi akanamde enye otuk Jisọs ye nte udọñọ esie okurede ke ndo ndo oro. Ndien Jisọs ama ọdọhọ enye ete, “Eyen mi añwan, mbuọtidem fo ọkọk fi, nyọñ ke emem.”

Kpukpru mmọ ema ebumede enyuñ edemere Enye ke idap, enyuñ edọhọ ete, “Andikpep, ñnyin imọñ isip!” Enye ama adahada onyuñ asua ọnọ oyobio ye mbufit mmọñ; oyobio ama odobo ndien kpukpru ñkpọ ema edu ke ifure.