Popular Bible Verses from Luk 3

Share

Ke ini ema ekenim kpukpru owo babtisim ema, ema enyuñ enim Jisọs babtisim ndien ke ini enye okosuk ọbọñde akam, ikpa enyọñ ama ọkubọrede. Ndien Edisana Spirit Abasi ọsuhọrede nte ibiom onyuñ ọsọrọ Enye ke idem. Ndien uyo oto ke enyọñ etiñ ete, “Afo edi edima Eyen Mi, emi enemde mi esit.”

Jọn ama ọbọrọ mmọ ete, “Ami nnim mbufo babtisim ke mmọñ, edi Enye emi okponde akan Mi ke ededi, emi mmemfọnke ñkem nditat uruk ikpaukot Esie. Enye eyeda Edisana Spirit ye ikañ enim mbufo babtisim.

Ebem iso ewut kaña ke usuñ nte mbufo edude uwem ete ke mmimọ imekabade esit. Ndien ekukere ete ke mmimọ imọbọhọ koro etode ubon Ebraham: Oro ikemke, koro Abasi ekeme ndida mme itiat emi nnam nditọ nnọ Ebraham.

Emeberi ekuri ikpe Abasi ke etak eto, emi edi mbufo, ndien eto ekededi emi miñwumke nti mfri eyesibe enye eduọk enyuñ etañ mmọ edọñ ke ikañ.”

Nte ewetde ke ñwed ikọ inua Aisaya, Asiak Uduak Abasi “Uyo owo kiet kofiori ke isọñ utatan, Mbufo ediọñ usuñ Ọbọñ, eneñede mme usuñ Esie. Esin ntan ọyọhọ ke kpukpru mme itighede! Ndien enam kpukpru ikpọ ye ñkpri obot esuhọrede. Eneñerede kpukpru ñkwakwaña usuñ. Ediọñ kpukpru ñkputuk ñkputuk usuñ ọdọnọ Ndien kpukpru ubon owo eyekut edinyaña emi otode Abasi.”