Popular Bible Verses from Luk 13

Share

“Edomo ofuri ukeme mbufo ndisaña mbe ke mfafaha usuñ; koro Ami ndọhọ mbufo nte, ediwak owo eyeñwana ndiduk, edi idikemeke ndiduk.

enye ama okut eyen añwan kiet, emi ọkọnuhọde nuhọ asaña isua efuteta oto ke odudu ndiọi spirit emi ekenukde enye. Ke ini Jisọs okokutde enye, Enye ama okot enye onyuñ ọdọhọ enye ete, “Eyenañwan, ekpọk fi eyak ke udọñọ fo.”

Ndien Enye odori enye ubọk, ndien ndo ndo oro eyenañwan oro eneñede ada onyuñ otoro Abasi.

Ke akpanikọ odu mme mmọ oro edide mme ekperedem emi edidide akpa, ndien mme ebem iso edidide mme ekperedem.”

Ke ini emi enyene ufọk adahade ada onyuñ eberi usuñ mbufo eyeda ke añwa ekọñ enyuñ ekpe ete, ‘Ete, berede usuñ nọ ñnyin.’ Edi enye eyebọrọ ete, ‘Ami ndiọñoke mbufo, mme ebiet emi mbufo etode edi.’ ”

Ami ndọhọ mbufo nte, ke idighe ntre! Edi edieke mbufo mituaha ñkpọfiọk kabaña mme idiọkñkpọ mbufo, mbufo ñko eyenyuñ ekpaña nte mmọ ekekpañade.”

“Edi Enye eyebọrọ ete, ‘Ami ndiọñọke mbufo, mme ebiet emi mbufo etode edi. Ediañade Mi ke idem kpukpru mbufo mme anam idiọkñkpọ.’ ”

Do ke Jisọs okobup ete, “Obio Ubọñ Abasi etie didie? Ñkeme ndida enye ndomo ye nso?” Enye etie nte ekpri ñkpasip ofriyo emi etọde ke iñwañ, ibighike enye ọkọri okpon akabade edi akwa eto, ndien mme inuen enyọñ ebọp efọk mmọ ke mme ñkọk esie.