Popular Bible Verses from Jọn 2

Share

Akpa utibe ñkpọ emi Jisọs akanamde ekedi ke Kena, obio emi odude ke Kalili. Enye ama ayarade Ubọñ Esie, ndien mbet Esie ebuọt idem ye Enye.

Jisọs ama ọbọrọ enye ete, “Eka, ñkemeke ndinam baba ñkpọ kiet kaña ke emi, ini Ami ndinam utibe ñkpọ ikemke kaña.”

Jisọs ama ọdọhọ mme asañautom ete, “Esin mmọñ eyọhọ ke mme abañ emi.” Mmọ ema esin mmọñ ọyọhọ ke mme abañ emi tutu osim inua mmọ. Ke ini mmọ ema ekekure, Enye ama ọdọhọ ete, “Ekoi ubak enyuñ emen esọk Etubom usọrọ.” Mmọ ema enam nte Enye ọkọdọhọde.

Jisọs ama ọbọrọ mmọ ete, “Ọfọn, emi edi utibe ñkpọ emi ndinamde ñwut mbufo: Ewuri itie ukpono emi, ndien ke usen ita Ami ñyemenerede enye ñwuk.”

Jisọs ama ada uruk anam ikpa ndien ebin kpukpru mmọ osioño ke Edisana Ebiet oro, onyuñ ebin enañ ye mme erọñ osioño. Ndien Enye ama onuk okpokoro mme ọkpuhọ okuk onyuñ asuan kpukpru mme okuk mmọ ọduọñọ. Ndien Enye ama asaña ekpere mme irenowo emi enyamde ibiom, onyuñ ọdọhọ mmọ ete, “Etañ kpukpru ñkpọ emi efep mi. Ekuda Ufọk Ete Mi enim itie urua.”