Popular Bible Verses from Jọn 19

Share

Ke Jisọs ama ọkọñwọñ finika oro ama, Enye ama ọdọhọ ete, “Okure,” ndien Enye osuk ibuot Esie onyuñ ayak uwem Esie ke ñkpa.

Jisọs ama ọfiọk ete ke kpukpru ñkpọ ema eda ke itie mmọ ọyọhọ ọyọhọ, ndien man osu nte ekewetde ke ñwed Abasi, Enye ama ọdọhọ ete, “ltọñ Asat Mi.”

Ke ini Jisọs okokutde Eka Esie do ye mbet emi Enye akamade nte edade, Enye ama ọdọhọ eka Esie ete, “Enye edi eyen fo.” Ndien onyuñ ọdọhọ mbet Esie ete, “Enye edi Eka fo”. Ọtọñọde ke usen oro, mbet Esie oro ama ada eka Jisọs ọnyọñ ufọk esie.

Edi kadañaemi mmọ ekesimde Jisọs, mmọ ema ekut ete ke Enye ama akpakpa do mmọ ikebuñke mme ọkpọ ukot Esie. Ke usuñ kiet ekededi, kiet ke otu mbon ekọñ oro ama emenerede eduat esie ekim Jisọs ke ñkañ; ndien ndo ndo oro mmọñ ye iyip ema ewet ewọrọ.

Mme ñkpọ emi eketibe man ikọ ñwed Abasi osu: “Ọkpọ Esie baba kiet owo idibuñke.” Ndien kpa nte itie ñwed Abasi efen etiñde, ete, “Mmọ eyewuk enyin mmọ ese Enye emi mmọ ekekimde ke eduat.”

Jisọs ama ọwọrọ ye etoñkpa (Krọs) Esie emi Enye okobiomde onyuñ aka ke ebiet emi ekekotde ebiet ñkpọkpọrọ (emi ke usem mme Hibru ekotde Kọlkọta).

Mme mbon ekọñ ema edọk anyanya ñkukim eyari Enye ke ibuot. Mmọ ema esine enye ọfọñ ubọñ, emi enyin esie ekedide mmọñibọñ.