Popular Bible Verses from Jọn 14

Share

Emem ke Ami ñkpọñ nnọ mbufo, emem Mi ke Ami nnọ mbufo. Ami nnọhọ mbufo nte ererimbot enọde. Ekuyak esit etimede mbufo, ekunyuñ efehe ndik.

Jisọs ama ọbọrọ enye ete, “Ami ndi usuñ ye akpanikọ ye uwem. Owo baba kiet idighe itiene Ete ke mibọhọke ke Ami.

“Ekuyak esit etimede mbufo, mbufo ekaiso ndibuọt idem ye Abasi, enyuñ ebuọt idem ye Ami.

Edi andiñwam, Edisana Spirit, emi Ete edidọñde ke enyiñ Mi, eyekpep mbufo kpukpru ñkpọ, onyuñ anam mbufo eti kpukpru se Ami mma ñketetiñ nnọ mbufo.

Owo ekededi emi enyimede onyuñ enimde mme ibet Mi enye edi enyemi amade Mi. Ete Mi eyema enyemi amade Mi; Ami ñko ñyema enye ñnyuñ ñyarade idem Mi nnọ Enye.”

Ami ñyebup Ete ndien Enye eyenọ mbufo ọnọ-item efen emi edidude ye mbufo ke nsinsi. Kpa Spirit emi ayararede akpanikọ abaña Abasi. Ererimbot ikemeke ndibọ Enye ñnyene, koro mmọ mikemeke ndikut Enye mme ndidiọñọ Enye. Edi mbufo ema ediọñọ Enye, koro Enye oduñde ye mbufo, ndien Enye eyeduk oduñ mbufo ke idem.

Ndien Ami ñyenam se ededi emi mbufo edibupde ke enyiñ Mi, man otodo Eyen ada ubọñ ọnọ Ete. Mbufo eyebup Mi ñkpọ kiet ekededi ke enyiñ Mi, ndien Ami ñyenam enye.”

“Edieke mbufo emade Mi eyenam se Ami ñwukde nte mbufo enam.

Ediwak ufọk edu ke ufọk Ete Mi ko ke enyọñ, ke mikpedighe ntre, Ami ñkpetiñ nnọ mbufo. Ami mmọñ ñka do nditim itie nnim nnọ mbufo.

Ndien Ami mma ñka ñketim itie nnọ mbufo, Ami ñyefiak ndi ndien ndida mbufo ekedu ye Ami man mbufo ñko ekpedu ye Ami ke ebiet emi Ami ndude.

Tọmọs ama ọdọhọ Enye ete, “Ọbọñ, ñnyin idiọñọke ebiet emi Afo akade, ñnyin ikeme ndien didie ndidiọñọ usuñ?”