Popular Bible Verses from Jọn 12

Share

Owo ekededi emi oyomde ndinam ñkpọ nnọ Mi, enyene nditiene Mi, man otodo eyen utom Mi okpodu ye Ami ke ebiet emi Ami ndude. Ete Mi eyekpono enye emi anamde ñkpọ ọnọ Mi.”

Owo ekededi emi amade uwem esie eyeduọk enye; edi owo emi asuade uwem esie ke ererimbot emi eyenim enye enọ nsinsi uwem.

Ami ntiñ akpanikọ nnọ mbufo nte ke ebede ñkpasip ibokpot ọduọ ke isọñ onyuñ akpa, enye eyesuk edi kpa ñkpasip kiet. Edi edieke enye akpade, enye eyesioño mme ñkpasip efen.

Ami mmedi ke ererimbot nte uñwana, man owo kiet ekededi emi enimde Mi ke akpanikọ okusine ke ekim.

Owo ekededi emi okopde etop Mi ndien isukke ibuot inọ Mi, Ami ndikpehe enye ikpe. Koro Ami ñkedighe ndikpe ererimbot ikpe, edi ndinyaña enye.

Do ndien ke Meri ekemen ọyọhọ ekpeme ata nsọñurua enem ufuọñ aran emi edade ñkpọ emi ekotde Nard enam, ọduọk Jisọs ke ukot ndien ada idet ibuot esie ọkwọhọde Enye ukot mbiba. Ndien ufọk oro ama ọyọhọ ye ufuọñ enem utebe aran oro.

Mmọ ema ekama mme ndak eyop ebine Enye ke usuñ, ke efefiori ete, “Osana! Edidiọñ enyene Edidem Isrel emi edide ke enyiñ Ọbọñ.”

Jisọs ama ọbọrọ ete, “Ini oro edisim idahaemi, emi edinọde Eyen Owo akamba ubọñ.