Popular Bible Verses from Lyanjiru 28

Share

Neni napamuhera na gwenga, hanikuloleri weri kwoseri kwagugenda na kukuwuziya mlushi alu. Hapeni nikuleki mpaka pantenda shilii shanukulagiliti.”

Mtuwa Mlungu kagolokiti pampindi pa lukweneru alu, kamgambira, “Neni ndo Mtuwa, Mlungu gwa Abrahamu tati gwaku, na Mlungu gwa Isaka. Lushi lwagulugonjera hanikupanani gwenga na shiyiwuku shaku.

Shakapanu Yakobu kimuka kulawa mumpota, kaliholiti, “Nakaka Mtuwa kapanu, neni nivimaniti ndiri!”

Shakapanu Yakobu kalapiriti pakalonga, “Handa haguweri pamuhera naneni na kundolera weri mumwanja gwangu na pagumpanana shiboga na nguwu ya kuvala, su mbuyi salama ukaya kwa tati gwangu, gwenga Mtuwa Mlungu haguweri Mlungu gwangu. Na libuwi ali lyangolosiyiti panu gambira lusiki, hapaweri pahala pa kukuguwira, naneni hanikupanani semu ya lilongu lya vintu vyoseri vyagugenda kumpanana neni.”

Shiyuwuku shaku hashiweri shivuwa gambira lidika lya litapaka, na hamuweri kila pahala, kwagulawa mshenji na kwaguzyeta mshenji, kushana na kusika. Wantu woseri wa pasipanu hawatekelerwi kupitira gwenga na shiyiwuku shaku.

Yomberi kapashema pahala palii Beteli, kumbiti litawu ligona lya pahala pali liweriti Luzi.