Popular Bible Verses from Lyanjiru 17

Share

“Shaka Abramu pakaweriti na mivinja malongu tisa na tisa, Mtuwa Mlungu kamlawiriti, kamgambira, neni ndo Mlungu yawera na makakala. Gunjimiri neni na mala zoseri gutendi shashiherepeziya.”

Kwanjira vinu, hapeni gushemwi kayi Abramu, kumbiti hagushemwi Abrahamu, toziya nikutenda guweri tati gwa isi zivuwa.

Hananguziyi nakaka lipatanu lyaneni kwa gwenga, shiyiwuku shaku na vileri vyawu vyoseri mashaka goseri, kayi haweri Mlungu gwaku na Mlungu gwa shiyiwuku shaku mashaka goseri.

ali ndo lipatanu lyangu na gwenga, haguweri tati gwa isi zivuwa.

“Mlungu kamwankula, nakaka mdala gwaku Sara hakakwiwuliri mwana mpalu na gwenga hagumshemi Isaka. Hanilituli lipatanu lyaneni na yomberi kuwera lipatanu lya mashaka goseri kwajili yakuwi pamuhera na shiyiwuku shakuwi.”

Hanikupanani gwenga pamuhera na shiyiwuku shaku isi ayi mwamulikala ganbira muhenga. Isi yoseri ya Kanaani iweri lunda ya mwenga mashaka goseri, na neni haweri Mlungu gwawu.

“Palii Abrahamu kasuntama makukama, kaseka mumoyu mwakuyi pakalihola, hashi hayitendeki nakaka mwana kwiwuka kwa mgogolu gwa mivinja miya? Hashi Sara yakawera na mivinja malongu tisa, hakawezi kupata mwana?

“Vilaa Mlungu kamgambiriti Abrahamu, kwa mdala gwaku, hagumshemi ndiri kayi Sarai, kumbiti litawu lyakuyi haliweri Sara.”

Hamwingiziwi jandu, na ali haliweri lilangaliru lya lipatanu lya neni na mwenga.

Kumbiti lipatanu lyangu hanilitendi na Isaka ulii Sara yakagenda kukwiwulira mushinja shashiza shaka gambira ashi.

Kwanjira vinu vileri vyaviza, kila mwana mpalu yakawera na umuli wa mivinja nani kafiruwa kwingiziwa jandu, pamuhera na woseri yawiyukiti mukaya yaku ama yakahemiritwi kwa mpiya zyenu kulawa kwa wahenga yakawera ndiri gwa shiyiwuku shaku. Kila mwana mpalu mukaya yaku ama yoseri yakahemiritwi kwa mpiya, woseri wafiruwa kwingiziwa jandu. Shimaniziru ashi mushimba zyenu haliweri lilangaliru lya lipatanu lyaneni lya mashaka goseri.