Popular Bible Verses from Lyanjiru 15

Share

Abramu kamjimiriti Mtuwa Mlungu na Mtuwa kamjimira Abramu kuwera muheri kulongolu kwakuyi.

Pashitwatira ashi, shisoweru sha Mlungu shimwiziriti Abramu mumawonu, “Abramu nagutira. Neni hanikuloleri gwenga. Na hanikupanani lifupu likulu kwa kunjimira.”

Mtuwa Mlungu kamjegiti Abramu kunja na kumgambira, “Guloli Kumpindi na guwalangi ntondu handa nakaka guweza kuwalanga.” Kamgambiriti kayi, “Hangu ndo wiwuka waku ntambu hawaweri wavuwa.”

Shakapanu shisoweru sha Mtuwa shimwiziriti Abramu, “Ayu hapeni kaweri muhala gwaku! Mwana gwaku gwa kumlera mweni ndo hakaweri muhala gwaku.”

Shakapanu Mtuwa kamgambira Abramu, “Guvimani nakamu kuwera shiyiwuku shaku hashilikali gambira wahenga muisi yaiwera yawu ndiri, hawaweri wamanda na hawatabisiwi kwa shaka sha mivinja miya msheshi.

Kumbiti Abramu kalongiti, “Gwee Mtuwa Mlungu, hagumpanani shishi, uganu paendereya kulikala pota mwana na muhala gwa ulunda wangu hakaweri Eliezeri gwa Damasko?

Lishaka ali, Mtuwa Mlungu katuliti lipatanu na Abramu pakatakula, “Shiyuwuku shaku Hanishipanani isi ayi, kulawa lushemba lukulu lwa Misri mpaka lushemba lulii lukulu lwa Eufrati

Mushileri sha msheshi, shiyiwuku shaku hashiwuyi panu toziya ukondola wa Waamori hawenikamiliki kwazibiwa vinu.”