Popular Bible Verses from Kulawa 2

Share

Mlungu kapikaniriti kulira kwawu, kalihola lipatanu lyakuyi lyakalitenditi na Ibrahimu na Isaka na Yakobu lya kuwatekelera wiuka wawu. Mlungu kawona Waisraeli ntambu yawatenderitwi madoda, kawaholera.

Vinja vivuwa shakapanu, mfalumi gwa Misri kahowa. Waisraeli Mumisri waweriti wankutabika nentu toziya ya lihengu likamala lyawafiruwitwi kutenda handa wamanda, walira kuluwa utanga Mlungu kakupikiniriti kulira kwawu.

Mwana pakaweriti mkulu, mawu gwakuyi kamjegiti kwa muhinja gwa Falawu, nayomberi kamtola na kumtenda mwana gwakuyi. Muhinja gwa Falawu kampanana litawu Musa, litawu lilifana na shisoweru sha Shiebrania numjabula, Kalongiti “Toziya numlaviya mumashi.”

Muhinja gwa Falawu kamgambira, “Gumtoli mwana ayu, guneleri, naneni hanukulipi shibena mgongu shaku.” Mdala ayu kamtola mwana kamnoneziya.

Su muhinja gwa Falawu kasuluka kugenda kulushemba kwoga mashi. Yomberi kawoniti lijamanda lyamuntundu mumbwega mwa lushemba. Su kamtumiti yaya yumu kagendi kulitola lijamanda lilii.

Lishaka limu, Musa pakaweriti mkulu, kalawiti mnumba nkulu ya shifalumi kugenda kuwalola wantu wayaguwi wa Shyeburania. Yomberi kawawoniti womberi ntambu yawatendituwi kwa makakala kutenda lihengu likamala nentu. Viraa yomberi kawoniti muntu gwa Misri pakamkoma yumu gwa Mweburaniya muyaguwi. Musa kalola wega zoseri, na pakawoniti kwahera muntu, kamlaga Mmisri na kamkululira mumhanga.