Popular Bible Verses from Kulawa 12

Share

“Pashiru panu neni hang'endi muisi yoseri ya Misri, haniwalagi vipanta njira muisi ya Misri, wantu wapalu na wankanyama washipalu. Kwa kutenda hangu, hanuwazibu milungu yoseri muisi ya Misri. Hantendi hangu toziya Neni Mtuwa mlungu, ndo Mlungu yakawera na makakala goseri. Mwazi yagutyelemeka pampindi pamagomi, hagulanguziyi numba zyawalikala wantu wa Israeli. Panuguwona mwazi, hapeni mpiti mnumba azi, viraa hapeni nagi wantu yawalikala amu, shaka panuwazibu wantu wa Misri.

Kila shinja, mwenga hamvini msambu mulishaka ali, kushihola shashitendituwi na Mtuwa Mlungu kwa mwenga. Muvileri vyoseri vyavizaku, kila shinja hamvini msambu agu. Shitwatira ashi hashyendereyi mumashaka goseri.”

Wana wenu pawawakosiya, hashi, shitiba ashi shiwera na mana gaa?’ Mwenga hamuwagambiri, shitiba ashi sha kulihola wambuyi wetu ntambu yawalaviyiti tambiku ya mwana gwa kondolu paluwala, ntumintumi gwa Mtuwa Mlungu pakagulukiti pampindi pa numba za wantu wa Israeli pawaweriti kulii muisi ya Misri. Yomberi kawalagiti wana vipanta njira mnumba za wantu woseri wa Misri, kumbiti kawalekiti wana mnumba za zyetu.” Musa pakawagambiriti womberi shitwatira ashi, su womberi wasuntamiti makukama na kumguwira Mtuwa Mlungu.