Popular Bible Verses from Mateyu 1

Share

Na ɔbawo ralɛ nrenyia, mɔɔ bɛbado ye duma Gyisɛse, mɔɔ ɔ bo a le Ngoanedievolɛ la, ɔluakɛ, yemɔ a ɔbakpɔne ye menli yeavi bɛ ɛtane nu a.

“‘Tie! Belamunli raalɛ ne banrenzɛ adɔma. Ɔbawo ralɛ nrenyia, na bɛbavɛlɛ ye “Yemanoɛle” mɔɔ ɔ bo a le kɛ “Nana Nyamenle nee yɛ de” la.’”

Na mɔɔ ɔla ye ɛsokpa ne azo ɔlɛdwenledwenle ɛhye mɔ anwo la, ɔhanle ɛlalɛ ɔnwunle kɛ anwumabɔvolɛ bie gyi ɔ nwo ɛkɛ ne. Na anwumabɔvolɛ ne vɛlɛle ye zele ye kɛ, “Dwosefi, Devidi ara, mmasulo kɛ ɛkɛva Male ɛkɛyɛ ɛ ye! Ɔluakɛ, ɔlua Sunsum Nwuanzanwuanza ne anwo zo a bɛnrenzɛ kakula anzɛɛ adɔma ne mɔɔ la ɔ kunlu la a.

Ɛhye mɔ a le nɔhalɛ edwɛkɛ ne mɔɔ fale Kelaese Gyisɛse ye awolɛ ne anwo a. Bɛvale ɔ nli Male bɛmaanle Dwosefi agyalɛ. Na mekɛ mɔɔ ɛnee Male tɛde belamunli, anzɛɛ ɛnee ɔtɛnwunle nrenyia fee ɛlɛ la, ɔlua Sunsum Nwuanzanwuanza ne anwo zo ɔnrenzɛle. Na Dwosefi mɔɔ le ɔ hu ne, mɔɔ le nrenyia mɔɔ di pɛlepɛle la, yɛle ye adwenle kɛ ɔbɔ ye ewuole wɔ fealera nu, kɛmɔ yeangulo kɛ ɔkɛgua ɔ nyunlu nyiane aze wɔ bagua nu la ati.