Popular Bible Verses from Dwɔn 10

Share

Awule biala bodane mɔɔ gyi ɔ nyunlu la a le kɛ ɔkɛwua, anzɛɛ ɔkɛhu bɛ na ɔkɛzɛkye bɛ. Mame noko me bodane mɔɔ gyi me nyunlu la a le kɛ menwɔmaa bɛ ngoane wɔ adenle biala mɔɔ ɔfɛta la anu.

“Mame a le Boaneneavolɛ Kpalɛ ne a. Boaneneavolɛ Kpalɛ ne fa ye ngoane bɔ azu maa ye mboane ne.

Me mboane ne mɔ ze me, yɛɛ medame noko meze bɛ, ɔti bɛtoa me noko.

Bɛnwu ɛlɛ, ɔluakɛ memaa bɛ ngoane mɔɔ ɔnlɛ awieleɛ, yɛɛ awie biala noko ɛnrɛhola ɛnrɛlie bɛ ɛnrɛvi me sa nu.

Nɔhalɛ nu, mame a le Anlenkɛ Kpole ne a. Bɛdabɛ mɔɔ bɛfa Anlenkɛ Kpole ne anu bɛba tunli ne anu la banyia ngoane, na bɛbawolo nu, bɛavinde na bɛanyia ndile dɔɔnwo noko bɛali.

“Mame a le Boaneneavolɛ Kpalɛ ne mɔɔ meze me mboane, na me mboane ne mɔ noko ze me a.

Egya a vale bɛ maanle me a, na yemɔ noko ɔlɛ tumi ɔtɛla awie biala, zɔhane ati awie biala ɛnrɛwua bɛ ɛnrɛvi Egya asa anu. Me nee Egya ne le ko.”

Kɛmɔ Egya ne ze me, na medame noko meze ye la, zɔhane ala yɛɛ mefa me ngoane noko meto ye aze memaa me mboane ne mɔ a.

Awie biala ɛnrɛhola ɛnrɛhu me wɔ melɛ mɔɔ metɛmaanle ye adenle la. Meto me ngoane aze wɔ medame me ɛhulolɛ nu. Ɔluakɛ melɛ tumi kɛ meto ye aze yɛɛ eza melɛ tumi kɛ mefa ye bieko; ɛhye kile kɛ Egya a ɛva tumi ɛhye ɛmaa me a.”

ɔti ɔhilele ɔ bo ɔhilele bɛ. Ɔzele kɛ: “Mame a le mboane ne mɔ bɛ Anlenkɛ Kpole ne a.

Ɛkpavo ne mɔ yemɔ mboane ne mɔ ala a ɔnea zo a; saa ɔnwu kɛ bɛdi ɛlɛba a ɔnriandi ɔgyakyi mboane ne mɔ ɛkɛ ne, ɔluakɛ tɛ ye deɛ ɔ. Ɔti bɛdi ne wulu tɔ bɛ nu na ɔbɔ mboane ekpunli ne asande.

Mekɛ ne anu Gyisɛse zele kɛ, “Nɔhalɛ nu, nɔhalɛ nu, mese bɛ kɛ awie biala mɔɔ ɛnva mboane tunli anlenkɛ kpole ne anu na ɔpe ɛleka gyɛne kolaa na yeahɔ nuhua la le awule, eza ɔle kodiawu!