Popular Bible Verses from MATAYO 5

Share

Moto ta bawanedjake molinda tine bomokukea na katini. Enakobea, bakamosɛpɛe diko i esɛpɛi, tine boo mongɛsɛe bato basusu i badi ta ndako. Na tina emina kina boo bohu bo bino bongɛse adi bato, bɛngi baenɛ misala mi bino mipele ko bokumedja Sange e bino yona odi ta busa.»

«Ino odini bohu bo ngondo, odini pongono ibonga itongami diko i ikoli, ibɔngiti bobolama.

Sepi adi bia badi na milema misɛnɔke, tengasa baenɛbi Ndjakomba!

Sepi adi bia badi na ndja ko posa e bodjo, tengasa bagolake!

Endolo mbi, nabalaka na nu: palani baloni ba bino ko ongɔnɔkɔni tina e bato bia bokonɔngedjeni.

«Sepi adi batakeli ta mwembo, tengasa Bokumu bo diko bodi tine bobo!

Sepi adi bato bakaduedje bogo, tengasa babeamake bana ba Ndjakomba!

Sepi adi bia bayeaka, tengasa bapingedjamake!

Sepi adi bato banɔngɔmɔkɔ tine bodjo, tengasa Bokumu bo diko bodi tina e bobo!

Sepi adi bia bakoke ba bina bu ndjokwa, tengasa babokeabi pongono ndjokwa!

Sepi ehole eosingakanibo, eonɔngedjinibo ko eokɔmeakani bo mabe masusu ta tina e mbi. Sepani ko daani na mongandi, tengasa iputi i bino idi inɛnɛ oho o diko. Tengasa edaka okobea, elenge anɔngedjakabo ba mbaeli ba Ndjakomba ibadaka boso bo bino.»

Sepi adi bato ba bomwii, tengasa basangoake ngondo!

«Ino odini monana mo ngondo. Endolo monana mokataka ngɛngɛ, moda moboani na nu bomosɔmbedja naikina ngɛngɛ nda? Moditi na sɔngi naikina; bamodumbake sokolu ko bato bamodalakake.

Na bea daani bato basɛnɔke elenge Sange e bino yona odi o diko adi Mosɛnɔke.»

Kina boo kɔpi e wɛ ekada “Eɛ, edike Eɛ”, ekada “Ngasa, edike ngasa”; ko mobalo mosusu modi bobakeama modongi adi Mokosi.»

«Okakani bobala boo: “Diso tine diso ko dino tine dino.” Endolo mbi, nabalaka na nu: pɛ bobukanedjani bobe na bobe. Ekada moto aobomi epapata ta mobanga modɔngɔ i ebɔ e bami, mopa pongono mobanga mo ebɔ e bali.

Na tina emina, ekada diso i wɛ i ebɔ e bami iotaedjaka ibaku, idongedja ko idumba bohali na wɛ. Tengasa, enɔi na bopele tina e wɛ bobungedja ekenge emɔti e wɛ e mokuku ta polo e bodumba mokuku mosusu ta ipelu. Na tina emina, ekada boo ebɔ e wɛ e bami iotaedjaka ibaku, elena ko edumba bohali na wɛ. Tengasa enɔi na bopele tina e wɛ, bobungedja ekenge emɔti e wɛ e mokuku ta polo e mokuku mosusu modumbame ta ipelu.»