Popular Bible Verses from LUKA 8

Share

Mbuma djia ikwaka ta mokpɔtɔ mopele, eboani na bato bia baoki mobalo, bamobanei ta milema bopele na sepi ko mobotaka mbuma djipele tine ingbangba i bobo.»

Esika yena ekwaka mbuma ta ndjubɛ, eboani na bato baoki mobalo. Endolo bakina baisi malɛno, ta bodieli ko na posa e bomɔ bo busa na busa, bombambamedja mobalo mo mina.

Bato bakina badi oko moda mo kpɔtɔ i mabanga: baoki mobalo ko bamodimi na sepi. Endolo mbuma imina imedja nginga, badimi ta mo ehole mokɛkɛ, endolo ta ehole e saya, babosani edimeli.

Ibea Yesu abalaka na batingami ba nde: «Bodima bo bino bodi djɔ?» Balumaka na bɔɔ ko na bokamoa. Baimeka bosahɔdjɔnɔ: «Moto iyo adi nda? Abalaka na lungu, na mbonge ko bomosuma!»

Bato bakina baboani na ndjea ta polo ekwi mbuma: baoki mobalo, endolo Satana adoi abakatoi mobalo ta milema mi bobo, tine bobasia boo badime basakahela.

Misusu mimbombi mienɛmɛbi ta bhuda, misusu mi kuku midjebanabi ta bohu.

Yana adjebaka mwali omina boo aditi naikina mobombamake, abangi bodjoa ko akwaka na magbundɔ ta mako ma Yesu. Atɔndeaka Yesu ta boso bo bato basusu tina emopeaka yo, ko moda mohela yo na yogo e nde oko ta ehole emina. Yesu abalaka na nde: «Mwana o mbi mwali, edimeli e wɛ eoheledji. Kɛ na bogo.»

Ibea batingami basalindaka mbuti na Yesu bamosisodjaka eni bagama: «Molehi, Molehi, lahombaka logwɛ!» Yesu, asisoaka, agameaka lungu na mbonge: losusu lopɔpɔnɔkɔ wai.