Popular Bible Verses from LUKA 11

Share

Ino ibadii babe, odjebini opa leka lopele odii bana ba boono. Na onɔ Sɛngɛmoto ona odii o diko apɛtelea Mwembo Mosɛnɔke odii bia ibadii omosɛngɛ mo!»

Ko mbai, nabali na nu boo: Yeyoani osɛngɛ baopaleani; yeyoani ohomba odihaleani; yeyoani oboma ekukɛ baodipoaleani.

Tina ɛ boo moto ndani ona osɛngɛkɛ adii oosɔ, ona ɔhombaka adii odiha ko badii odipoa ekukɛ odii ona ɔbomaka.

Yesu abala na bu boo: «Ehole edii no oongɔɔnɔ, balani boo: “Tata, yɛɛ boo kombe ɛ wɛ ɛdae esɛnɔke; yɛɛ okumu ba wɛ badoe!

Loyɛɛ iso masumu ma booso, tina ɛ boo iso mɛɛnɛ lokayɛɛ ibia bakalokɔmɛɛ obe. Ko pɛpɛ olokina boo lakwae ta omekama.”»

Lopa engi busa mia madi na su posa.

Diso la wɛ lidii moinda ma mokuku: diso la wɛ likada laenɛ opele, mokuku ma wɛ mosusu koko modii oenɛmɛ ohuu; endolo diso la wɛ likadaa na epeko, mokuku ma wɛ koko modii ta modidi.

«Moto tayodjae moinda tina ɛ omobomba kaoko omoisa nase dja poke; endolo adii omobakea diko la mesa ɛ mwinda, bɛngɛ boo bato ibaingeaka ta ndako baenɛ ohuu.