Popular Bible Verses from YOANI 21

Share

Ngɔngɔ dja oyaka, Yesu ahɔdja Simo Piɛlɛ boo: «Simo, mwana ɔ Yoani, okapaleni onɔ moda mokapaleni bii?» Amosɔmbɛdja boo: – «Edii bea, Kumu, ɔdjebaka boo nakaopale.» Yesu abala na nde boo: «Banea bhata ba mbai.» Bea amohɔdja mbala ɛ babae: «Simo, mwana ɔ Yoani, okapaleni?» – Amosɔmbɛdja boo: «Edii bea, Kumu, ɔdjebaka boo nakaopale.» Yesu abala na nde boo: «Banea bhata ba mbai.» Bea amohɔdja mbala ɛ basato boo: «Simo, mwana ɔ Yoani, okapaleni?» Piɛlɛ aoka ndjokwa ta molema ena ɔmohɔdja Yesu mbala ɛ basato boo: «Okapaleni?» Ko amosɔmbɛdja boo: «Kumu, ɔdjebaka midjɔ misusu; ɔdjebaka boo nakaopale!» Yesu abala na nde boo: «Banea bhata ba mbai.

Edii bea, nabali na wɛ sooti: ehole ɛdaka wɛ yɛngɛ, osalwɛdjaka mosenge ma wɛ ko ɔkɛkɛ dɔngɔ lapalaka wɛ; endolo ehole eimeabi wɛ mobange, oninodjabi mabɔ, ko okina aolwɛdjabi mosenge ko akebi na wɛ dɔngɔ lidii wɛ pɛpɛ opala okɛɛ.»

Abala na bu boo: «Maani modjanga ta ebɔ ɛ bami ɛ bwato ko odihaleani.» Bea bamaa modjanga, ko baihɔnɔ omokola ta madiba, ɛlɔkɛɛ boo maluma na swi.

Simo Piɛlɛ abala nabu boo: «Nakɛi aluba.» Babala na nde boo: «Iso koko, lakeke na wɛ engbanga.» Bea bakɛɛ na nde ko batitea ta bwato. Endolo baitɛdja noko eka bulu bua.