Popular Bible Verses from YOANE 17

Share

Badjongoa baimee bato ba wɛ mɛnɛ, ta ndjea e bosooti; mobalo mo wɛ modii sooti.

Bomɔ bo kɔbili bodii wɛtoko bodjeba wɛ, Ndjakomba omɔti ko o sooti, ko bodjeba Yesu Kilito, iyona oloma wɛ.

«Nataoangɔnɔkɔdea oto tina e bobo, endelo tina e bato ibia badhimeadeani pongono na ndjea e mobalo mo bobo. Naoangɔnɔkɔdea bɛngi ibo basusu badae omɔti. Sesa, badae baputoanake na su, mondumba moputoana wɛ na ko mbi. Badae omɔti bɛngi ngondo edhime bo olomani.

Nitaoangɔnɔkɔdea bɛngi bo obadongedjeni ta ngondo, endelo bɛngi obabanee badae pɛpɛ bokwa ta midjɔ Mibe.

Nabapi ekumu epani wɛ, bɛngi badae omɔti mondumba modii mbi na wɛ moto omɔti. Mbi ta tei e bobo ko wɛ ta tei e mbi; iyena edii mwɛngi mobwani na bu bodaa mɛnɛ omɔti, bɛngi ngondo edjebe naikina bo olomani ko okabapale oko mondumba mokapaleni wɛ.