Popular Bible Verses from Lomɛ́ŋ 5

Maná Támbák éétútínyenyi ɛ́ɛ́ wɔɔ́túɔyɔ táásɛ á kiáki ɛ́ɛ́ Kilíis éékú káásɔ́ ó pusíó á kisikɛl tumaápá tumanyi pafalfal.

Pipíóndínyí ɔtɛ́m tipá pípúle, á kiáki ɛ́ɛ́ Emfúnukufúúmɛ pámaátúfá éekelekesenyi iŋɔyɔ i Támbák káásɔ́ kí itɛ́m.

Andikɛ́k kɔk ɛ́ɛ́ túpímɛlɛ káásɔ́ é muyu, á kiákí tuémenyen ɛ́ɛ́ muyu ááyuukan naasɔ́ é kuésepenyi, Kuésepinyi ékeekenyi nulátát nú kémuémue, nulátát nú kémuémue eekenyi pipíóndínyí ɔtɛ́m.

Anakáánɛ́ kɔk, kuátap kúásɔ́ ɛ́ɛ́kɛɛlɛ ɛ́ɛ́ túpá indɛ́ndɛ́nɛ ké iŋís yá Támbák tuond tutápukanɛn kɔ́ Ɔkɔ́n waasɔ́ Yésus Kilíis á kupá é kiyeéwe na Támbák. Tuákaámán é peseé u Támbák tutápukanɛn é Yésus káásɔ́ á kuátap, tuɔ́nyílɔpɔn papílúndánɛ́n é peseé ukáánɛ́. Andikɛ́k puandá púɛlɛnɛ́ ɛ́ɛ́ túyayapa punyɛ́ tuópíóndonyi ɔtɛ́m á kupia niap é nuúmu nú Támbák.

Ɛ́ɛ́ɛ, aká túmányípá tumany katí imbekíe, Kilíise weekú ó pusíó pú pafalfál á kisikɛl Támbák maásɔ́mb.

Índɛ́ kɔk nínúan manɔ́ŋ mé Yésus ɛ́ɛ́kɛɛlɛ ɛ́ɛ́ tupá indɛ́ndɛ́nɛ ké iŋís yá Támbák, tiɛkiɛ́ kɔk ukaná kuɛlɛ ɛ́ɛ́ utitúsótí kí ilópi í Támbák?

Yá aná púnyɛ́ ɛ́ɛ́, á pitúkɔ́l pí mɔɔnd omoómí, pɛɛnd kutek pɛ́ɛ́kɛɛ́yɛ́ pafalfal, yá aná punyɛɛ́ andíkɛk ɛ́ɛ́, kí iŋɔ́pinɔ í mɔɔnd omoómí, pɛɛnd kutek kapá kí indɛ́ndɛ́nɛ.

Kutápɔk pukáánɛ́ tuáyayapa ké eŋís yá Támbák tutápukanɛn kɔ́ Ɔkɔ́n waasɔ́ Yésus Kilíise; kɛ́ɛ́yɛ́ kɔk tunyɛɛ́ pɛpiɛ́yɛ́n na Támbák.