Popular Bible Verses from Iŋɛ́nínɛ yi Isáaŋ 22

Inyɛ Alfa na Oméka, anakáánɛ́ kunyɛɛ́ ɛ́ɛ́ túmínikɛ́ɛ́yɛ ne súkínikɛ́ɛ́yɛ, kitúme na nimanɛ́n.»

Yésus ɛ́ɛ́pí ɛ́ɛ́: «Ɔ́nupítɔ́líkɛn, iŋanyi ɛ́ɛ́ yoól! Yoókoólon na pinamá pí mɔɔnd kitikit, píɛsíkɛ́nɛ́n no puólí púɛ́yɛ́.

Emfúnukufúúmɛ nɛɛyɛ́ nɔ Kiɔŋinɔ kí Mɔnɔ́ kitúúmbɛ́ɛ ɛ́ɛ́pí ɛ́ɛ́: «Óló!» Ɛ́nyɛɛ́ ewú úmɔ́nyɔɔ́p ɛ́ɛl ɛ́ɛ́: «Óló!» Ewú niíta nyɛɛ́ nɛɛyɛ́, ɛ́nyɛɛ́ woól; ewú waambanɛ́ɛ kupúwá moomb méekenyée kusɔ́t ɔ́ɔ́sikɔ́l mɔ́ kati kunamɛ.

Peseé ne epé pɛ́tɛ́fɛnɛ́ insunú síɔ́p ɛ́ɛ́ pápia pukaaka pú kunyá pusamɔ́ pú putɛ́ púekenyée kusɔ́t, na pú kutápukɛn kɛ́ɛ́yɛ́ ké eŋíít é kupíkin á pálɛ́k.

Yésus ɛ́ɛ́pí ɛ́ɛ́: «Ɔ́nupítɔ́líkɛn, kuupɔ ekue yáasiám! Peseé ne epé páákanɛ́ɛ ɔ́ niɔlɔ́ mekélíe má Támbák mɛ́nyɛɛ́ á kálatɛ ewe.»

Putúk tiányandá apá, mɔɔnd tiányandá apá ni insaná i yiik í ilámba tɛ kisie kí ɔɔ́ny, á kiákí ɛ́ɛ́ Ɔkɔ́n Támbák éényíteekenyi pɔ́ ne kisie kíɛ́yɛ́, póond é pufuŋ pú teeníík.

Ewú upíákanɛ́ itóy ɛ́ɛ́ maandá eme meem nyɛ kémuémue ɛ́ɛ́pí ɛ́ɛ́: «Ɛ́ɛɛ, iŋúɛ ukáánɛ́ yoólonée, iŋanyi mekúye!» Anakáánɛ́, óló, Ɔkɔ́n Yésus! Ɛ́nyɛɛ́ Ɔkɔ́n Yésus núpinúun panɔ́ peem.

Iŋúɛ Isáaŋɛ, yeekenyée kumenyi á mɔɔnd kitikit úmɔ́nyɔɔ́p nukál nú Támbák núnyɛɛ́ á kálatɛ ewe, núónyípíwóónyi: índɛ mɔɔnd siɔ́yikɛn puandá kɔ́ɔk, Támbák kɔɔ́yikinɛn wɔ́ muyú múnyɛɛ́ múɔ́ŋɔ́ á kálatɛ ewe. Índɛ mɔɔnd siéŋi puandá á nukál nú Támbák núnyɛɛ́ á kálatɛ ewe, Támbákɛ́ɛ kɛ́kɛ́ɛ́yɛ́ keéŋi kɛ́ɛ́yɛ́ á niap unyɛɛ́ na nɛ́ɛ á putɛ́ púékenyée kusɔ́t na á pálɛ́k u Támbák mɛ́nyɛɛ́ mɔɔ́ŋɔ́ á kálatɛ ewe.