Popular Bible Verses from 2 Tesalonik 2

Mɔɔnd tinúpúlít, puɔ́s pukáaní tiányiasíám kati kupítuŋuliti kúkúsúkin máasíam ɛ́ɛ́ mépitiinyi.

Káásɔ kɔk, tuɛ́kɛsikɛnɛn kusuŋuna é kuekenyi Támbákɛ́ɛ ilémbie ó pusíó puánɔ paandimán páámɛ pí iŋɔyɔ pɔ́ Ɔkɔ́n, á kiákí ɛ́ɛ́ Támbák manúyɔɔ́n énitúmín ɛ́ɛ́ ú núsóti ne emfunukufúúmɛ wɛɛlɛnɛ́ ɛ́ɛ́ núsɔ́tɔn aná Támbák ɔ́ɔyɔnɛ́ nopipíondínyi ɔtɛ́m píánɔ é kémuémue.

Unyi okóyikoyi wányákanɛ́ imfɛ́l é púúpú pɛɛnd kúmesíe pond pápílan ɛ́ɛ́ Támbákɛ́ɛ, kuám aná weényípíkené á kitamb kí Támbák unyɔ́mbɛt upípílan wúmuɛ́tí ɛ́ɛ́ Tambákɛ́.

Ɛ́nyiɛlɛ́ Ɔkɔ́n wasɔ́ Yésus Kilíis wɔ́ muɛ́t na Támbákɛ́ɛ Síí wasɔ́ umɔɔ́túɔ́yɛ́t woond watúfá kɛ́ɛ́yɛ́ kɔ́ ɔtɛ́m peseé ilúndɛ i teeníík na kiták kí kipíondinyí ɔtɛ́m úwónyi itɛ́m síánɔ na kutáam, únúátapɛn pukaaka pú kuɛlɛ peseé tɛ é melínyé, tɛ á tukál.

Tɛ ɔɔ́pɔn Támbák mátúmɛn pɔ́ pukaaka pú kutamtam púɛlɛnɛ́ ɛ́ɛ́ páátapan pisupɔ́.

Olokí ónyíol upianan pukaaka pú sáátan, puényípítíínyi ne melínyé má pukaaka, ne pisey ne mekesí má pisupɔ́. Wɛ́nyíɛlɛ tunamá tú mandá kitikit ɛ́ɛ́ úpíkɔ́kitin pɛɛnd páyuukan é punyím, á kiákí ɛ́ɛ́ pátimaátap tɛ iŋɔyɔ í kémuémue imaápá kusóti pɔ.

Á kiákí ɛ́ɛ́ pukaaka puŋosíkɔ́n pu ifil ámaná etúmu puólí púɛyí; káka kɔk ewú umɛɛ́tíkín pú ɛ́nyíɛ́ŋunɛnɛ́ iŋilí.