Popular Bible Verses from Roma 15

Share

Á Mboʼmvé, ye wɛ́ a fɛ́ shʉríne nɛ́, yǎ ndúŋú psyɛ́ndzɔʼ, fɛ́ ndebéne pwɛ mbúru ne puŋ zááme, néré kɛ́ʼɛ́ ŋgâ tʉ̌ŋ Zhʉye Yáŋme zhyɛ́ shʉ̌ndzɔʼ yuŋ záá kaʼatɛ.

Tsʉ́ʼŋgɛmbɛ ŋkɔŋɔ no yɛ́ pe kɛ ŋwɛʼɛ səssó náá nɛ́, kɛ pɛ́ɛ́ ne ntʉ́ʉ́ne wíŋi. Kɛ́ʼɛ́ ŋgâ shʉ̌ndzɔʼ pú tsúbɔndzɔʼ yɛ́ Ŋweʼe yáŋme fɛ́ nɛ́, zhyɛ́ piŋi tséʼé shʉríne.

Á Mboʼmvé, yé wɛ́ a tséʼé shʉ̌ndzɔʼ pú tsúbɔndzɔʼ nɛ́, zhyɛ̂ puŋ tséʼé nsóndzoʼ tsetsɛrɛ puŋ, njʉ́ Yěsô Kristo zɔŋɔ nɛ́. Yânéré kɛ́ʼɛ́ ŋgâ puŋ fɛ ŋgúʼune pwó Mboʼmvé, yé wɛ́ Tɛd Ntsɛɛpɔŋ wíŋi Yěsô Kristo nɛ́, ne taʼ ndzɔʼ, ne taʼ ntswéé.

Puŋ ghəyí mbəb yuŋ tsetsɛrɛ puŋ njʉ́ Kristo kɛ ghəhɛ́ wuŋ nɛ́, yânéré kɛ́ʼɛ́ ŋgâ pe zhʉ́ ghɛ́ɛ́ Mboʼmvé.

Á tsyé ŋɔŋ ndzɔʼɔ piŋi taʼa njʉ́ a ŋgyɛ́ no yɛ́ a mbúú mɔ́ŋmɛ́ yé nɛ́, ne ŋgyɛne no sʉ́ʼʉ mbəb ye. Yânéré kɛ́ʼɛ́ ŋgâ psyɛ́ndzɔʼ ye ghú ssó.