Popular Bible Verses from Máákuusə 13

Share

Ŋkɔŋɔ ŋɔŋ náá ŋkʉ́yó mbáŋa wúŋ ŋkyé tíí ya. Ntsʉʼmbé ŋɔŋ wɛ́ ŋkʉ́yó sɛ́ɛ́ kaʼatɛ mbáŋa ne mê yé nɛ́, Mboʼmvé kpéé wé.»

«Puŋ máʼ fǐ ndzó təŋé múŋ! Kii ŋɔŋ zhyé, ŋkyé ŋgâ puŋ zé yéré ŋkhoʼ pó.

Ŋkhoʼyɛ́ pe ŋkʉ́yó ntsé fiʼɛ wúŋ nɛ́, puŋ ndɛ ntsé kpaŋa ŋgâ puŋ kpéé mbəb yuŋ pe níŋ? Ntsʉʼmbé, a náʼá mbɛ ŋkhoʼyéré, yɔ́b yɛ́ Mboʼmvé fɛ́ ntswee puŋ nɛ́, puŋ nsó, ŋkyé ŋgâ a ŋkʉ́yó mbé ntsɔ́ puŋ pó, a ŋkʉ́yó ntsɔ́ Zhʉye Yáŋme.

Pépéé pú tsetsáʼ náʼá ndzáʼá náá, ntsʉʼmbé nsó ya náʼá mbwó ne cyó zhyémve pó.

Ŋgɛ ŋkhú ne zhyémvé pwɛ ŋkhoʼmvé yɛ́ péré meno ŋkʉ́yó ndzáʼá nɛ́, ŋɔŋ yóʼó ndzé pó, mbɛ pɛ aŋgere pépéé, mbɛ Mɔ́ŋ, ndii ŋɔŋ fáá Tɛd pó.»

Ŋkhoʼyɛ́ puŋ ŋkʉ́yó ndzóʼó pɛ ntsɔ, pwɛ nsó no ntsɔ nɛ́, kii puŋ ndɛ mbɔ́ɔ́. Ŋkyé ŋgâ a zɔŋɔ ŋgâ péré meno páŋ, ntsʉʼmbé kɛ́ʼɛ́, njʉyí pó pɛ́ɛ́ ŋkhoʼyéré pó.

Puŋ yáʼ sáŋ! Ŋkyé ŋgâ puŋ zé ŋkhoʼyɛ́ ŋgaŋandáb ŋkhú nɛ́ pó. Kii mbɛ́ɛ́ ne fwɔ̌nab? Kii mbɛ́ɛ́ ne ghəghóʼŋgɔŋ? Kii a ŋkhú ŋkhoʼ ŋkêmvé? Kii mbɛ́ɛ́ ne ndzɔʼɔwáá? Mbɔ́ɔ́ kɛ́ʼɛ́ ŋgâ kii a ndɛ mvwɛ̂ wúŋ vwi, ntsɛ́rɛ́ wúŋ ndzɔ́ʼɔ́ yɔ́ɔ́. No yɛ́ mə ntsɔ́ ne puŋ nɛ́, mə ntsɔ̌ pwó ŋkɔŋɔ pɔŋ náá: puŋ yáʼ sáŋ!»

Taʼ yáʼ ŋkʉ́yó máʼá ntsɔ pú cyó, taʼ ŋgɔŋ twɔ́ ndzəb cyó. Pecyó záá pɛ́rɛ́ ywoʼ ndúŋú tsetsáʼ vɔrɔ, títî gháʼmbwo. Ntsʉʼmbé meno péré náá pɛ́ɛ́ ndaʼ ndzyé pɛ meno, njʉ́ ŋkhoʼ pfé ndɛ́ ndzyé məŋgʉ́yé nɛ́.

A zɔŋɔ ŋgâ yéré no ghɛ́ mbɛ, puŋ cʉrí Ŋkəŋ sʉ́ʼʉ pwó ŋkɔŋɔ mvémvé náá.

Pɔ́ŋ zááme ŋkʉ́yó, ndɔ́ɔ́ tíí ya, ntsɔ́ ŋgâ: “A mo mbé Kristo!” Kɛ́ʼɛ́ ne shʉyɛ̌ne záá pɔŋ.

Ŋgɛ́ mbɛ́ ne puŋ, puŋ zɛ́ ntsé múŋ. Pɔŋ ŋkʉ́yó fí wúŋ pwó ghaŋásábáfiʼ pwɛ ndántéré pɛ Yúda. Pe ŋkʉ́yó gbíí wúŋ kaʼatɛ. Fiʼɛ wúŋ síŋ pɛ ntsɛ́ssó pɛ ŋgɔ́bmenaʼ pwɛ péfɔŋ, ŋkyé ya. Kɛ́ʼɛ́, puŋ pe ghaŋákpééntáŋ páá síŋ pɔ́b.

Pɛ kristo mbwɔ́ pwɛ ghaŋátsɔ́kpaŋató mbwɔ́ ŋkʉ́yó, ŋkʉ́yó. Pɔ́b ŋkʉ́yó ŋkɔ́ʼɔ́ ŋgyɛ́ pɛ meno shʉyédme, kɛ́ʼɛ́ ne shʉyɛ̌ne pɔŋ núŋ. Mbɛ́ ntáʼá ndzaʼ yé, ne shʉyɛ̌ne pɔŋ pɛ, Mboʼmvé kɛ tsɔ́ʼɔ́ wɔ́b nɛ́, núŋ.

«A náʼá mbɛ ne zhyémve péré, ŋkhoʼyɛ́ ŋgəʼo zááme péré náʼá ndzáʼá náá nɛ́, ménab síŋ, ménwɔtsúʼ pó mbé ké fʉ́ʉ́ ŋkʉ́rʉ́ pó. Pɛ saŋ twɔ́ pépéé mvɔ́ sye, tʉ̌ŋ pɛ a pépéé nɛ́ náʼá nyʉ́.