Popular Bible Verses from Matʉyo 24

Share

Njʉ́ kəpɔŋ ŋkʉ́yó ke mě mê mvii nɛ́, kəŋe pɔŋ zááme pɔ́d, ntsʉʼmbé ŋɔŋ wɛ́ a ŋkʉ́yó sɛ́ɛ́ kaʼatɛ mbáŋa ne myě nɛ́, Mboʼmve kpéé wé.

Pe náʼá ncʉ́rɛ́ Ŋkəŋ Sʉ́ʼʉ Nofɔŋ Mboʼmve yɔŋ ndzó ŋkɔŋɔ mbǎʼmvé náá. Ŋkɔŋɔ pɛ kiizɛ́mboʼmvé náá zóʼ, ndǎ ndúŋú ntséʼé psyɛ́ndzɔʼ. Néré ŋkɔŋ, zhyémve njʉyǐndzəb pɔrɔ́ mbáŋa.»

Puŋ ŋkʉ́yó ndzóʼó pɛ ntsɔ pwɛ ntsó no ntsɔ, puŋ zhyaŋa! Kii puŋ ndɛ mvód. A zɔŋɔ ŋgâ meno péré péé mbáŋ ŋkɔŋ. Ntsʉʼmbé kɛ́ʼɛ́ njʉ́yí pe pé ŋkhoʼyéré pó.

Ŋkyé ŋgâ taʼ yáʼ ŋkʉ́yó máʼá ntsɔ pú cyó, taʼ ŋgɔŋ twɔ́ ndzəb cyó. Pecyó záá pɛ́rɛ́ ywoʼ ndúŋú tsetsáʼ mvɔrɔ́, títî gháʼmbwo. Ntsʉʼmbé ŋkɔŋɔ meno péré náá, pɛ́ɛ́ ndaʼ ndzye pɛ meno, njʉ́ ŋkhoʼ pfé yɛ́ ndzye Məŋgʉ́yé nɛ́.

Pépéé pú tsetsáʼ náʼá ndzáʼa, ntsʉʼmbé ntsó ya náʼá mbwó ne cyó zhyémve pó!»

ŋkyé ŋgâ pɔŋ zááme ŋkʉ́yó ndɔ́ɔ́ tíí ya ntsɔ́ ŋgâ: “Á mo mbé Kristo”. Néré kɛ́ʼɛ́, pɔ́b shʉyɛ́ pɔŋ zááme.

Pe ŋkʉ́yó fí wúŋ, puŋ zhʉ́ ŋgəʼo, pe nɔʼɔ wúŋ, ŋkɔŋɔ pɛ kiizɛ́mboʼmvé náá páŋa wúŋ ŋkyé tíí ya. Néré psyɛ́ndzɔʼ záá pɔŋ pɔ́d. Pɔ́b fí mbəb yɔ́b pwó pecyó, mbó mbáŋ mbəb yɔ́b tsetsɛrɛ pɔ́b. Ghaŋátsɔ́kpaŋató mbwɔ́ náʼá saʼá sáʼá njʉ́ ŋgɔ́ʼ nɛ́. A pe nɛ́ njʉ́ pɔ́b ŋgyɛ́ pɔŋ zááme sháŋa nɛ́.

Yěsô pɔ́rɔ́ ne pɔ́b ŋgâ: «Puŋ máʼ fǐ ndzó təŋé múŋ! Kii ŋɔŋ ndɛ shʉyɛ́ wúŋ!

A zhyɛ́ yéré, mbɛ puŋ, puŋ tsúŋú mbəb yúŋ. Ŋkyé ŋgâ Mɔ́ŋ ŋɔŋ náʼá ŋgɛ́ ŋkʉ́yó, mvuwɛ wúŋ mvwí.»

Puŋ yáʼ sáŋ nɛ́, ŋkyé ŋgâ puŋ zɛ́ zhyémve yɛ́ Ntsɛɛpɔŋ wuŋ ŋkʉ́yó nɛ́ pó.

«Ŋgɛ ŋkhú ne zhyémve pwɛ ŋkhoʼmvé yɛ́ péré meno ŋkʉ́yó ndzáʼa nɛ́, ŋɔŋ yóʼó ndzé pó, mbɛ pɛ aŋgere pépéé, mbɛ Mɔ́ŋ, ndii ŋɔŋ fáá Tɛd, ndaʼ ye pó.

Ŋkyé ŋgâ pɛ fɛ̂ kristo pwɛ pɛ ghaŋátsɔ́kpaŋató mbwɔ́ náʼá ŋkʉ́yó. Pɔ́b náʼá ŋgyɛ́ pɛ meno shʉyédme pwɛ pe ghoʼotó ne shʉyɛ̌ne pɔŋ núŋ, mbɛ pɔŋ pɛ́ Mboʼmve kɛ tsɔ́ʼɔ́ wɔ́b nɛ́, mbé yɛ́ tɛɛmbɛ á nyí nɛ́.

Zhyémve yɛ́ Mɔ́ŋ ŋɔŋ náʼá nyóʼó mbəb yé pwó pɔŋ nɛ́, náʼá ke mbɛ́ɛ́ njʉ́ méno kɛ pé ŋkho yɛ́ Nuwa kɛ pé nɛ́. Ŋkyé ŋgâ tsʉŋtsʉ́ŋ njʉ́ pɔŋ kɛ zɔ̂, nɔ̂, kpáʼá ndáá, mbó fɛ́ pɔ́ŋ pɔ́b ndáb ndáá, kaʼatɛ mbáŋ zhyémve yɛ́ Nuwa kɛ ŋkúŋɔ ndzó páŋ nɛ́, Mboʼmvé zhyɛ́ ntséd ŋkhú nɛ́. Pé kɛ pé tsé kpáŋa cyó yɔ́b pó kaʼatɛ ntsed khú, ndɔ́ɔ́ wɔ́b náá. A ke mbé nɛ́ njʉ́ zhyémve yɛ́ Mɔ́ŋ ŋɔŋ náʼá ŋkʉ́yó nɛ́, náʼá mbɛ́ nɛ́.